ନବରଙ୍ଗପୁରରେ ତୃତୀୟ ପର୍ଯ୍ୟାୟରେ ଆରମ୍ଭ ହୋଇଛି ବାୟୁ ସ୍ବାସ୍ଥ୍ୟସେବା

ଭୁବନେଶ୍ୱର: ଉପାନ୍ତରେ ସମସ୍ତେ ପାଇବେ ଉତ୍ତମ ସ୍ବାସ୍ଥ୍ୟସେବା । ନବରଙ୍ଗପୁର ଜିଲ୍ଲାରେ ତୃତୀୟ ପର୍ଯ୍ୟାୟରେ ଆରମ୍ଭ ହୋଇଛି ବାୟୁ ସ୍ବାସ୍ଥ୍ୟସେବା । ଆଜି ଦ୍ୱିତୀୟ ଦିନରେ ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଞ୍ଚିବେ ୬ଜଣିଆ ସୁପର ସ୍ପେଶାଲିଷ୍ଟ୍ ଡାକ୍ତର ଦଳ । ଜୟପୁର ଏୟାରପୋର୍ଟରେ ବିମାନ ଯୋଗେ ପହଞ୍ଚି ନବରଙ୍ଗପୁର ଆସିବେ। ଗତକାଲି ପଞ୍ଜିକରଣ ହୋଇ ଥିବା ରୋଗୀ ମାନଙ୍କ ଚିକିତ୍ସା କରାଯିବ ।

ଏହି ୬ଜଣିଆ ଟିମରେ ସର୍ଜରୀ ବିଭାଗର ଡାକ୍ତର ଭୁବନ ମୋହନ ଦାସ, ନେଫ୍ରୋଲୋଜିଷ୍ଟ ଡ଼ା. ଅରୁଣା ଆଚାର୍ଯ୍ୟ, ଆନେସ୍ଥେସିଆ ଡାକ୍ତର ଡା.ଦେବାଶିଷ ସ୍ବାଇଁ ପ୍ରମୁଖ ଉପସ୍ଥିତ ରହିଛନ୍ତି । ମୁଖ୍ୟମନ୍ତ୍ରୀଙ୍କ ଏହି ବାୟୁ ସ୍ବାସ୍ଥ୍ୟ ସେବା ଯୋଜନାକୁ ରୋଗୀ ସମ୍ପର୍କୀୟ ମାନେ ପ୍ରଶଂସା କରିବା ସହ ଧନ୍ୟବାଦ ଜଣାଇଛନ୍ତି । ଦୁଇ ଦିନ ମଧ୍ୟରେ ୩୫୦ ରୁ ଅଧିକ ରୋଗୀ ପଞ୍ଜୀକରଣ କରିଥିବା କହିଛନ୍ତି ସିଡିଏମଓ । ବର୍ତ୍ତମାନ ସୁଦ୍ଧା ୟୋରୋ ବିଭାଗ ପକ୍ଷରୁ ୫ଟି ଅପରେସନ କରଯାଇଛି । ଆଗକୁ ଦୁଇ ଦିନ ଥିବାରୁ ଅଧିକ ରୋଗୀ ଆସିବେ ଓ ଏହି ମୁଖ୍ୟମନ୍ତ୍ରୀ ବାୟୁ ସ୍ବାସ୍ଥ୍ୟ ସେବାର ସୁଯୋଗ ନେବେ।