ଗୋଡ଼ ମୋଡ଼ି ହେଉ ବା ରକା, ଔଷଧ ଭଳି ବ୍ୟବହାର କରନ୍ତୁ ତେଜପତ୍ର

ତେଜପତ୍ରକୁ ତ ରୋଷେଇରେ ବ୍ୟବହାରକରାଯାଏ କିନ୍ତୁ ଏହାକୁ ଔଷଧ ଭାବରେ ମଧ୍ୟ ଆପଣ ବ୍ୟବହାର କରିପାରିବେ । ଯେପରିକି କାଶ ହେଉଥିଲେ ତେଜପତ୍ରକୁ ମିଶ୍ରି ସହିତ ଫୁଟାଇ ପିଇବା ଦ୍ୱାରା କାଶ ଭଲ ହୋଇଯାଏ । ଠିକ୍‌ ସେହିଭଳି ଏଥିରୁ ଆପଣ ଏକ ତେଲ ପ୍ରସ୍ତୁତ କରିପାରିବେ ଯାହା ଆଂଟି ବ୍ୟାକ୍ଟେରିଆଲ, ଆଂଟି ଫଙ୍ଗଲ, ଆଂଟି ଇମଫ୍ଲାମେଂଟ୍ରି ଏବଂ ପେନ୍‌ ରିଲିଭିଙ୍ଗ ଔଷଧ ଭାବରେ କାମ କରେ । ତେବେ କିଭଳି ଏହାକୁ ବ୍ୟବହାର କରିବେ ଏବଂ କେଉଁ ସମସ୍ୟା ପାଇଁ ବ୍ୟବହାର କରିବେ  ଆସନ୍ତୁ ଆଲୋଚନା କରିବା ।

ତେଜପତ୍ରରେ କ୍ୟାଲସିୟମ, ମ୍ୟାଗ୍ନେସିୟମ, ସେଲେନିୟମ ଓ ଆଇରନ ପ୍ରଚୁର ମାତ୍ରାରେ ଥାଏ । ଏଥିରେ ଥିବା ଆଂଟି ଅକ୍ସିଡାଂଟ କର୍କଟ, ବ୍ଲଡ କ୍ଲଟିଙ୍ଗ ଏବଂ ହୃଦୟ ସମ୍ବଦ୍ଧିତ ରୋଗରୁ ବଂଚିବାରେ ସହାୟକ ହୋଇଥାଏ ।

ତେବେ କିଭଳି ତେଜପତ୍ରରୁ ତେଲ ପ୍ରସ୍ତୁତ କରିବେ…

ପ୍ରଥମେ ୧୦ ଗ୍ରାମ ଜୁଆଣି, ୧୦ ଗ୍ରାମ ମେଥି ଓ ୧୦ ଗ୍ରାମ ତେଜପତ୍ରକୁ ବାଟନ୍ତୁ । ଏବେ ଏହାକୁ ପାଣିରେ ପକାଇ ଫୁଟାନ୍ତୁ । ଯେବେ ଏହି ପାଣି ୧୦୦ ବା ୧୫୦ ଗ୍ରାମ ହୋଇଯିବ ବାହାର କରି ଥଣ୍ଡା ହେବାକୁ ଦିଅନ୍ତୁ । ଏହାକୁ ପିଅନ୍ତୁ । ଏହାକୁ ପିଇବା ଦ୍ୱାରା ଅଂଟାରେ କଷ୍ଟ ହେବା କମ ହୋଇଯାଏ । ଗୋଡ଼ ଆଦି ମୋଡ଼ି ହୋଇ ଯାଇଥିଲେ ବା କୌଣସି ସ୍ଥାନରେ ରକା ହୋଇ ଯାଇଥିଲେ ଭଲ ହୋଇଯିବ । ଶିରାପ୍ରଶିରାରେ ଦରଜ ହେଲେ ଶରୀର ମଧ୍ୟ ଅସୁସ୍ଥ ଲାଗେ, ତେଣୁ ଏହାକୁ ପିଇବା ଦ୍ୱାରା କଷ୍ଟ କମ ହୋଇଯାଏ । କେବେ କେବେ ଖେଳକୁଦ ଆଦି କରି ବା କାମ କରି ଶରୀରରେ ଯନ୍ତ୍ରଣା ହେଉଥିଲେ ତେଜପତ୍ର, ଲବଙ୍ଗ ଏବଂ ଡାଳଚିନିକୁ ବାଟି ଦିଅନ୍ତୁ ଏବଂ କଷ୍ଟ ହେଉଥିବା ସ୍ଥାନରେ ଲଗାନ୍ତୁ, ଏହା ବାମ୍‌ ଭଳି କାମ କରେ ।