ବସ୍ତିରେ ବୁଲି ବୁଲି ଗଛ ଲଗାଉଛି ପୋଲିସ

1 min read

ଭୁବନେଶ୍ବର: ଭୁବନେଶ୍ବରରେ ବସ୍ତିମୁକ୍ତ ଅପରାଧ ପାଇଁ ପୋଲିସ ଜାରି ରଖିଛି ବସ୍ତିକୁ ଚାଲ ଅଭିଯାନ । ବିଭିନ୍ନ ଥାନା ଅଞ୍ଚଳରେ ବନ୍ଧୁତ୍ବରୁ ସୁରକ୍ଷା ନାରା ଦେଇ ପୋଲିସର ସଚେତନତା କାର୍ଯ୍ୟକ୍ରମ ଜାରି ରହିଛି । ନୟାପଲ୍ଲୀ ପୋଲିସ ଥାନା ଓ ବସ୍ତି ମିତ୍ର, ଆସ ଆମ ବସ୍ତିରେ ଗଛଟିଏ ଲଗାଇବା ନାରା ଦେଇ ବୃକ୍ଷ ରୋପଣ କରିଛନ୍ତି ।

ବାଜପେୟୀ ନଗର ଓ ନୀଳଚକ୍ର ନଗରରେ ଯୁବ ଗୋଷ୍ଠୀଙ୍କୁ ଏକତ୍ର କରି ରାସ୍ତା କଡରେ ନିମ୍ବ, ଆସନ, କୃଷ୍ଣଚୁଡା ଆଦି ଗଛ ଲଗାଯାଇଛି । କେବଳ ଗଛ ଲଗାଇ କାମ ସାରିନି ପୋଲିସ । ଗୋଟିଏ ଗଛର ରକ୍ଷଣାବେକ୍ଷଣ ପାଇଁ ବସ୍ତିର ଗୋଟିଏ ଗୋଟିଏ ପରିବାରକୁ ଦାୟିତ୍ବ ନେବା ପାଇଁ ପୋଲିସ ନିବେଦନ କରିଛି । ଥାନା ଅଧିକାରୀ ଶରତ ସାହୁ ଓ ଜୋନ-୫ ଏସିପି ସଞ୍ଜୀବ ଶତପଥୀ ଏହି କାର୍ଯ୍ୟକ୍ରମରେ ଯୋଗଦେଇ ବସ୍ତି ମିତ୍ରଙ୍କୁ ଉତ୍ସାହିତ କରିଥିଲେ ।

Leave a Reply