କ୍ରିକେଟକୁ ଅଲବିଦା କହିଲେ ବସନ୍ତ ମହାନ୍ତି

ଭୁବନେଶ୍ୱର: କ୍ରିକେଟରୁ ସନ୍ନ୍ୟାସ ନେଲେ ବସନ୍ତ ମହାନ୍ତି । ୨୦୦୭-୦୮ରେ ବେଙ୍ଗଲ ବିପକ୍ଷରୁ ପ୍ରଥମ ଶ୍ରେଣୀରେ ପଦାର୍ପଣ କରିଥିବା ବସନ୍ତ ଶେଷରେ କ୍ରିକେଟକୁ ଅଲବିଦା କହିଛନ୍ତି । ବସନ୍ତ ତାଙ୍କ ଜୀବନର ଶେଷ ମ୍ୟାଚ ମଧ୍ୟ ବେଙ୍ଗଲ ବିପକ୍ଷରେ ଖେଳିଛନ୍ତି । ସଂଯୋଗ ବସତଃ ବସନ୍ତ ମହାନ୍ତି ତାଙ୍କ ଜୀବନର ପ୍ରଥମ ମ୍ୟାଚ ବେଙ୍ଗଲ ବିପକ୍ଷରେ ଖେଳିଥିବା ବେଳେ ମନୋଜ ତିଓ୍ୱାରିଙ୍କୁ ଆଉଟ୍ କରିଥିଲେ । ଜିଏକି ବେଙ୍ଗଲ ସରକାରଙ୍କ ଏବେ ମନ୍ତ୍ରୀ ରହିଛନ୍ତି ।

ସେହି ମନୋଜ ତିଓ୍ବାରିଙ୍କୁ ଏବେ ନିଜ ଶେଷ ମ୍ୟାଚରେ ମଧ୍ୟ ଆଉଟ କରିଛନ୍ତି ବସନ୍ତ ମହାନ୍ତି । ଦୀର୍ଘ ୨୦ ବର୍ଷ ହେଲା ଓଡ଼ିଶା ପାଇଁ କ୍ରିକେଟ ଖେଳି ଆସୁଥିବା ଦ୍ରୁତ ବୋଲର ବସନ୍ତ ମହାନ୍ତି ମଧ୍ୟ ନିଜର ଶେଷ ମ୍ୟାଚରେ ଆକର୍ଷଣୀୟ ପ୍ରଦର୍ଶନ କରିଛନ୍ତି । ଶେଷ ମ୍ୟାଚର ବସନ୍ତ ବୋଲିଂ ସହ ବ୍ୟାଟିରେ ମଧ୍ୟ ଭଲ ପ୍ରଦର୍ଶନ କରିଥିଲେ । ଫଳରେ ବେଙ୍ଗଲକୁ ଓଡ଼ିଶା ଫଲୋଅନ ଦେବା ସହ ଓଡ଼ିଶା ୭ ୱିକେଟରେ ବିଜୟ ହାସଲ କରିଛି । ବସନ୍ତ ଓଡ଼ିଶା ପାଇଁ ୧୦୫ଟି ପ୍ରଥମ ଶ୍ରେଣୀ କ୍ରିକେଟ୍ ଖେଳିଥିବା ବେଳେ ୪୦୩ଟି ଓ୍ୱିକେଟ ହାସଲ କରିଛନ୍ତି । ଏହାସହ ଟି ଟ୍ୱେଣ୍ଟିର ମଧ୍ୟ ବସନ୍ତ ୨୧ଟି ମ୍ୟାଚ ଖେଳି ୨୦ଟି ଓ୍ୱିକେଟ ହାସଲ କରିଛନ୍ତି । ପ୍ରଥମ ଶ୍ରେଣୀ କ୍ରିକେଟରେ ସେ ୩ଥର ୧୦ ଓ୍ବିକେଟ୍ ଏବଂ ୨୩ ଥର ୫ ଓ୍ବିକେଟ୍ ହାସଲ କରିଛନ୍ତି ।