ବଡ ଭଉଣୀ ବର୍ଷାଙ୍କ ପାଇଁ ପ୍ରଚାର କଲେ ଭାଇ ଭୋଜରାଜ

ପଦମପୁର: ବଡ ଭଉଣୀ ବର୍ଷାଙ୍କ ପାଇଁ ପ୍ରଚାର କଲେ ଭାଇ ଭୋଜରାଜ  । ପଦମପୁର ଉପନିର୍ବାଚନ ପାଇଁ ତିନି ପ୍ରମୁଖ ରାଜନୈତିକ ଦଳ ନିଜ ନିଜ ପ୍ରଚାର ଅଭିଯାନକୁ ଜୋରଦାର କରିଥିବା ବେଳେ ବିଜେଡି ପ୍ରାର୍ଥୀନୀ ବର୍ଷା ସିଂ ବରିହାଙ୍କ ପାଇଁ ନିର୍ବାଚନୀ ମଇଦାନକୁ ଓହ୍ଲାଇଛନ୍ତି ତାଙ୍କ ଭାଇ ଭୋଜରାଜ ସିଂ ବରିହା । ଝାରବନ୍ଧ ବ୍ଲକ କୁମୁରି ପଞ୍ଚାୟତ ମୁଖ୍ୟାଳୟଠାରେ ସନ୍ଧ୍ୟାରେ ଆୟୋଜିତ ନିର୍ବାଚନୀ ସଭାରେ ଯୋଗଦେବା ପାଇଁ ଭୋଜରାଜ ସିଂ ବରିହା ପହଞ୍ଚିବା ପରେ ଗ୍ରାମବାସୀମାନେ ଢୋଲ ଓ ସଂକୀର୍ତନ ତାଳେତାଳେ ତାଙ୍କୁ ପାଛୋଟି ନେଇଥିଲେ  ।

ନୀଳଗିରି ନିର୍ବାଚନ ମଣ୍ଡଳୀର ବରିଷ୍ଠ ବିଜେଡି ନେତା ସନ୍ତୋଷ ଖଟୁଆଙ୍କ ତତ୍ୱାବଧାନରେ ଆୟୋଜିତ ସଭାରେ ଭୋଜରାଜ ସିଂ ବରିହା ଅଞ୍ଚଳର ବିକାଶରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଶୀର୍ବାଦ ଓ ସ୍ବର୍ଗତ ପିତା ବିଧାୟକ ବିଜୟ ରଞ୍ଜନ ସିଂ ବରିହାଙ୍କ ଅବଦାନକୁ ମନେ ପକାଇଥିଲେ । ଏହାସହ ବାପାଙ୍କ ଅଧୁରା ସ୍ବପ୍ନକୁ ସାକାର କରିବା ପାଇଁ ବଡ ଭଉଣୀ ବର୍ଷା ସିଂ ବରିହାଙ୍କୁ ବିପୁଳ ଭୋଟରେ ବିଜୟୀ କରାଇବାକୁ ଅନୁରୋଧ କରିଥିଲେ ଭୋଜରାଜ  ।