ଜମୁଛି ବର୍ଷାଙ୍କ ପ୍ରଚାର

ଯାଜପୁର: ଅସହ୍ୟ ଗ୍ରୀଷ୍ମ ତାତି ପାଇଁ ବଦଳୁଛି ନିର୍ବାଚନ ପ୍ରଚାର । ପ୍ରାର୍ଥୀମାନେ ଦିନ ଅପେକ୍ଷା ରାତିରେ ପ୍ରଚାର କରୁଛନ୍ତି । ଯାଜପୁର ଜିଲ୍ଲା ବଡ଼ଚଣା ବିଧାୟକ ପାର୍ଥୀ ବର୍ଷା ପ୍ରିୟଦର୍ଶିନୀ ରାତିରେ ବିଭିନ୍ନ ସ୍ଥାନରେ ପ୍ରଚାର କରୁଛନ୍ତି । ବଡ଼ଚଣା ବ୍ଲକର ଦର୍ପଣ ପଞ୍ଚାୟତରେ ବର୍ଷା ଘରକୁ ଘର ବୁଲି ପ୍ରଚାର କରିଛନ୍ତି। ଦର୍ପଣ ପଞ୍ଚାୟତ ର ଇଷ୍ଟଦେବୀ ମାଆ କୋଟ୍ରାଖି ଙ୍କୁ ଦର୍ଶନ କରିବା ସହ ଜଗନ୍ନାଥ ମନ୍ଦିରରେ ପୂଜାର୍ଚ୍ଚାନା କରିଥିଲେ । ବର୍ଷାଙ୍କୁ ଦେଖିବା ପାଇଁ ସ୍ଥାନୀୟ ଅଂଚଳରେ ଲୋକଙ୍କ ଭିଡ଼ ଦେଖିବାକୁ ମିଳିଥିଲା । ବଡ଼ଚଣା ବ୍ଲକ ବିଜେଡି ସଭାପତି, ଦର୍ପଣ ପଂଚାୟତ ର ସରପଞ୍ଚଙ୍କ ସହ ବଡ଼ଚଣା ବିଜେଡିର ବହୁ ନେତୃବୃନ୍ଦ ପ୍ରଚାରରେ ସାମିଲ ହୋଇଥିଲେ।