ପଦମପୁରରେ ଲେଖାହେବ ବିକାଶର ନୂଆ ଅଧ୍ୟାୟ, ଖୁବଶୀଘ୍ର ପଦମପୁର ଯିବେ ମୁଖ୍ୟମନ୍ତ୍ରୀ
ଭୁବନେଶ୍ୱର: ପଦମପୁରରେ ଲେଖାହେବ ବିକାଶର ନୂଆ ଅଧ୍ୟାୟ । ପଦମପୁରବାସୀଙ୍କ ସମସ୍ତ ଦାବି ପୂରଣ ହେବ । ଖୁବଶୀଘ୍ର ପଦମପୁର ଯାଇ ବିଭିନ୍ନ ପ୍ରକଳ୍ପର ଘୋଷଣା ଓ ଶୁଭାରମ୍ଭ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏନେଇ ସୂଚନା ଦେଇଛି ବିଜେଡି ବିଧାୟକ ସୁଶାନ୍ତ ସିଂ । ବିପୁଳ ଜନସମର୍ଥନ ସହ ବିଜୟ ପରେ ମୁଖ୍ୟମନ୍ତ୍ରୀଙ୍କୁ ଭେଟି ଆଶୀର୍ବାଦ ନେଇଛନ୍ତି ବର୍ଷା ସିଂ ବରିହା ।
ଏହି ସମୟରେ ସେ ମୁଖ୍ୟମନ୍ତ୍ରୀଙ୍କୁ ପଦମପୁର ଆସିବାକୁ ନିମନ୍ତ୍ରଣ କରିଥିଲେ । ନବୀନ ମଧ୍ୟ ଏଥିପାଇଁ ସମ୍ମତ ପ୍ରକାଶ କରିଛନ୍ତି । ଗ୍ରାଉଣ୍ଡରେ ରହି ଲୋକଙ୍କ ସହ କାମ କରିବାକୁ ବର୍ଷାଙ୍କୁ ପରାମର୍ଶ ଦେଇଛନ୍ତି ମୁଖ୍ୟମନ୍ତ୍ରୀ । ପଦମପୁରର ବିକାଶ ପାଇଁ ପୂର୍ବରୁ ୪୮୮ କୋଟି ଟଙ୍କାର ପ୍ରକଳ୍ପ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ । ଆଗକୁ ଅନ୍ୟାନ୍ୟ ମୁଖ୍ୟ ଦାବିଗୁଡ଼ିକ ମଧ୍ୟ ପୂରଣ କରାଯିବ ।
