କୁଳିଅଣା ତହସିଲଦାରଙ୍କ ଟଣାଓଟରା ସହ ମାଡ଼, ପୋଲିସ ଉପସ୍ଥିତିରେ ମାଡ଼ ମାରିଲେ ଲୋକେ

ବାରିପଦା : କୁଳିଅଣା ତହସିଲଦାରଙ୍କୁ ଟଣାଓଟରା ସହ ମାଡ଼। ପୋଲିସ ଉପସ୍ଥିତିରେ ମାଡ଼ ମାରିଲେ ଲୋକେ। ସରକାରଙ୍କ ପକ୍ଷରୁ ଉଚ୍ଛେଦ କାର୍ଯ୍ୟ ଚାଲୁଥିବାବେଳେ କୁଳିଅଣା ଥାନା ପର୍ଯ୍ୟନ୍ତ ଘୋଷାଡ଼ି ଘୋଷାଡି ନେଲେ ଉତ୍ୟକ୍ତ ଗ୍ରାମବାସୀ। ଏହାକୁ ନେଇ କୁଳିଅଣା ଥାନାରେ ଉତ୍ତେଜନା ଜାରି ରହିଛି। ଜିଲ୍ଲା ପ୍ରଶାସନ ପକ୍ଷରୁ କୁଳିଅଣା ବ୍ଲକର ତିତିରି ଅଞ୍ଚଳରେ ଘର ଭାଙ୍ଗିବା ନେଇ ଦିଆଯାଇଥିଲା ସୂଚନା। ପ୍ରଥମ ପର୍ଯ୍ୟାୟରେ ୩୫ଟି ଘର ଉଚ୍ଛେଦ ଲାଗି ନୋଟିସ ଦିଆଯାଇଥିଲା। ସରକାରୀ ଜାଗାରେ ଦୀର୍ଘ ବର୍ଷ ଧରି ଲୋକେ କରିଥିଲେ ଘର।କୁଳିଅଣା ବ୍ଲକର ତିତିରି ଅଞ୍ଚଳରେ ଘର ଉଚ୍ଛେଦ କାମ ଆରମ୍ଭ ହୋଇଥିଲା। ଏହାକୁ ନେଇ ବିରୋଧ କରିବା ସହ ତାତିଥିଲେ ଗ୍ରାମବାସୀ। ନିଆଁ ଜାଳି ବାଉଁଶ ବାନ୍ଧି ଉତ୍ତ୍ୟକ୍ତ ଲୋକେ ୧୮ ନମ୍ବର ଜାତୀୟ ରାଜପଥ ଅବରୋଧ କରିଥିଲେ। ଘଟଣାସ୍ଥଳରେ କୁଳିଅଣା ପୋଲିସ ପହଞ୍ଚି ଳୋକଙ୍କୁ ବୁଝାସୁଝା ଜାରି ରଖିଛି। ପୂର୍ବରୁ ବସବାସ କରୁଥିବା ୧୩୦ଟି ଘରକୁ ଉଚ୍ଛେଦ ଲାଗି ନୋଟିସ୍ ଜାରି କରିଥିଲା ପ୍ରଶାସନ।