ବରୀ : ଯେଉଁଆଡେ ଦେଖିବେ ସବୁଜ ବନାନୀ । କ୍ଷେତରେ ଖେଳୁଛି ବିଭିନ୍ନ ପନିପରିବା । ଆଉ ଏଭଳି ଚାଷ କରିଛନ୍ତି ଯାଜପୁର ବରୀ ବ୍ଲକର ଯୁବ ଚାଷୀ ଜ୍ୟୋତିକାନ୍ତ ମହାପାତ୍ର । ସେ ପାଠପଢା ପରେ ଚାକିରି ପଛରେ ନଦୌଡି ଚାଷ କାମକୁ ଆଦରି ବେଶ ଲାଭବାନ ହୋଇପାରିଛନ୍ତି । ନିଜର ୩ ରୁ ୪ ଏକର ଜମିରେ ଜୈବିକ ପଦ୍ଧତିରେ ବାଇଗଣ, ଜହ୍ନି, ଅମୃତଭଣ୍ଡା, ଆଳୁ, ଆପୁଲବେରୀ କୋଳି ସାଙ୍ଗକୁ ବିଭିନ୍ନ ପ୍ରକାର ଫୁଲ ଚାଷ କରୁଛନ୍ତି ।
ଜ୍ୟୋତିକାନ୍ତ ନିଜସ୍ଵ ଉଦ୍ୟମରେ ବିଭିନ୍ନ ପ୍ରକାର ଫୁଲ ଓ ପନିପରିବା ଚାଷ କରି ସ୍ଵାବଲମ୍ବୀ ହୋଇପାରିଛନ୍ତି । ଏଥିସହ କିଛି ଲୋକଙ୍କୁ ରୋଜଗାର ଦେବା ସହ ଅନ୍ୟପାଇଁ ଉଦାହରଣ ପାଲଟିଛନ୍ତି । ଜ୍ୟୋତିକାନ୍ତଙ୍କୁ ସରକାର ସହାୟତା ଯୋଗାଇ ଦେଲେ ସେ ଆହୁରି ଲାଭବାନ ହୋଇପାରନ୍ତେ ।
