ମୁହୁରୀ କଳାକୁ ବଞ୍ଚାଇ ରଖିବାକୁ ପଦ୍ମପୁର ସଙ୍ଗୀତ ସମିତି ପକ୍ଷରୁ କରାଯାଇଛି ନିଆରା ପ୍ରୟାସ

ବରଗଡ : ମଣିଷ ଜନ୍ମରୁ ମୃତ୍ଯୁ ପର୍ଯ୍ଯନ୍ତ ପ୍ରତ୍ଯେକଟି ସ୍ଥାନରେ ଖୋଜାପଡେ ପଞ୍ଚବାଦ୍ଯ । ଏହି ପାରମ୍ପରିକ ପଞ୍ଚବାଦ୍ଯ ମଧ୍ଯରୁ ଅନ୍ଯତମ ହେଉଛି ମୁହୁରୀ । ଦିନ ଥିଲା ଖୁସି ହଉ ଅବା ଦୁଃଖ, ପୂଜା ହଉ ଅବା ସଂସ୍କାର, ଶାନ୍ତି ହଉ ବା ଯୁଦ୍ଧ ସବୁଠି ଖୋଜା ପଡୁଥିଲା ମୁହୁରୀ । ବରଗଡ ଜିଲ୍ଲା ବୋଡାସମ୍ବରର ପ୍ରତ୍ଯେକଟି ଗାଁରେ ଦେଖିବାକୁ ମିଳୁଥିଲେ ମହୁରିଆ । ହେଲେ ଏବେ ମୁହୁରିଆଙ୍କ ସଂଖ୍ଯା କମିବାକୁ ଲାଗିଲାଣି । କଳାକୁ ବଞ୍ଚାଇ ରଖିବାକୁ ଆଗ୍ରହ ପ୍ରକାଶ କରୁନାହାନ୍ତି ଯୁବପିଢୀ । ଏଣୁ ଏହି କଳାକୁ ବଞ୍ଚାଇ ରଖିବା ପାଇଁ ପଦ୍ମପୁର ସଙ୍ଗୀତ ସମିତି ପକ୍ଷରୁ ବିଭିନ୍ନ କଳାକାରଙ୍କୁ ନେଇ ଦିନିକିଆ ମୁହୁରୀ ଉତ୍ସବ ଆୟୋଜନା କରାଯାଇଛି ।

ବରଗଡର ସ୍ଥାନୀୟ ରାଜାଜି ଟାଉନ ହଲ ଠାରେ ଏକ ଦିନିଆ ମୁହୁରୀ ଉତ୍ସବର ଆୟୋଜନ କରାଯାଇଥିଲା । ଯେଉଁଥିରେ ବୋଡାସମ୍ବରର ୨୦ ଜଣ ମୁହୁରିଆ ଓ ପଞ୍ଚବାଦ୍ଯର କଳାକାର ସାମିଲ ଥିଲେ । ଉତ୍ସବରେ ଅତିଥି ଭାବରେ ପ୍ରାଧ୍ୟାପକ କେଶରଞ୍ଜନ ପଧାନ ଓ ନାଟ୍ୟକାର ଅଶୋକ ବହିଦାର ପ୍ରମୁଖ ଯୋଗ ଦେଇ ଉତ୍ସବର ଉଦଘାଟନ କରିଥିଲେ । ଏଥିସହ ଆଗାମୀ ଦିନରେ ଏହି ଉତ୍ସବ ଯୁବପୀଢୀଙ୍କୁ କଳା ପ୍ରତି ଆକୃଷ୍ଟ କରିବେ ବୋଲି କହିଥିଲେ । ମୁହୁରୀ ଉତ୍ସବ ଯୁବ ସମାଜକୁ ଆକୃଷ୍ଟ କରିବ ନିଶ୍ଚୟ ।