ଏଥର ନୂଆ କଂସ ଦେଖିବ ବରଗଡ଼

ନନ୍ଦିଘୋଷ ବ୍ୟୁରୋ: ଏଥର ନୂଆ କଂସ ଦେଖିବ ବରଗଡ଼ । ବରଗଡ଼ ଧନୁଯାତ୍ରାରେ ଦୁର୍ଦ୍ଦାନ୍ତ କଂସ ମହାରାଜ ଭୂମିକା ପାଇଁ ସାକ୍ଷାତକାର ଅନୁଷ୍ଠିତ ହେବ । ୨୦୨୨ରେ ହୋଇଥିବା କଂସ ଚୟନ ତାଲିକାରେ ଥିବା ଦ୍ବିତୀୟରୁ ପଞ୍ଚମ ସ୍ଥାନରେ ଥିବା ୪ ଜଣ କଳାକାରଙ୍କ ମଧ୍ଯରୁ ଜଣଙ୍କୁ ମନୋନୀତ କରାଯିବ । ସେମାନେ ହେଲେ ଆର୍ତ୍ତତ୍ରାଣ ସୁନାନୀ, ଜଗଦାନନ୍ଦ ମିଶ୍ର, ଭୁବନେଶ୍ୱର ପ୍ରଧାନ ଓ ସୁଶୀଲ କୁମାର ମେହେର । ଏନେଇ ଧନୁଯାତ୍ରା ମହୋତ୍ସବ ସମିତି ବୈଠକରେ ବିଧିବଦ୍ଧ ନିଷ୍ପତ୍ତି ନିଆଯାଇଛି। ଗତଥର ବରଗଡ଼ ଧନୁଯାତ୍ରାରେ କଂସ ଭୂମିକାରେ ଅଭିନୟ କରିଥିବା ହୃଷିକେଶ ଭୋଇ ଲାଞ୍ଚ ନେଇ ଧରାପଡ଼ିବା ପରେ ତାଙ୍କୁ କଂସ ଭୂମିକାରୁ ବାଦ୍ ଦିଆଯାଇଛି।