୯ ତାରିଖରେ ଭାରତ-ଇଂଲଣ୍ଡ ଟକ୍କର ପାଇଁ ବଢୁଛି କ୍ରିକେଟ୍ ଫିଭର, ଖେଳାଳିଙ୍କୁ ଦେଖିବାକୁ ବଢୁଛି ଦର୍ଶକଙ୍କ ଉତ୍କଣ୍ଠା

କଟକ : କଟକରେ ବଢୁଛି କ୍ରିକେଟ ଫିଭର । ଅନ୍ତର୍ଜାତୀୟ ମ୍ଯାଚକୁ ନେଇ ଉତ୍କଣ୍ଠାରେ କ୍ରୀଡାବିତ । ୯ ତାରିଖରେ ଭାରତ-ଇଂଲଣ୍ଡ ମଧ୍ଯରେ ଟକ୍କର । ହାଇସ୍କୋରିଂ ମ୍ଯାଚ ନେଇ ପ୍ରସ୍ତୁତ ହେଉଛି ଫିଲ୍ଡ । ବାରବାଟୀ ଦିନିକିଆକୁ ଆଉ ଦିନ କେଇଟା ବାକିଥିବା ବେଳେ ମ୍ୟାଚର ସଫଳ ପରିଚାଳନା ପାଇଁ ଚାଲିଛି ଜୋରଦାର ପ୍ରସ୍ତୁତି । ତେବେ ଆ୯ ତାରିଖ ଦିନ ହେବାକୁ ଥିବା ଭାରତ-ଇଂଲଣ୍ଡ ମ୍ୟାଚ ଯେମିତି ହାଇସ୍କୋରିଂ ହେବ ସେଥିପାଇଁ ପ୍ରସ୍ତୁତ ହେଉଛି ବାରବାଟୀ । ଏଥିପାଇଁ ପିଚ୍ ଓ ପଡ଼ିଆକୁ ପ୍ରସ୍ତୁତ କରାଯାଇଥିବା ସୂଚନା ଦେଇଛନ୍ତି ଓସିଏ ସମ୍ପାଦକ । ସ୍ଲୋ ଆଉଟ୍ ଫିଲ୍ଡି ଜନିତ ସମସ୍ୟାକୁ ମଧ୍ୟ ଦୂର କରିବା ପାଇଁ ୮ ମିଲିମିଟର ଉଚ୍ଚତାରେ ଆଉଟ ଫିଲ୍ଡର ଘାସ ଗୁଡ଼ିକୁ କଟାଯାଉଛି । ତେବେ ନାଲି ନା କଳା ମାଟିରେ ନିର୍ମାଣ ହୋଇଥିବା ପିଚରେ ମ୍ଯାଚ ଖେଳାଯିବ ସେନେଇ ନିଷ୍ପତ୍ତି ହୋଇନାହିଁ । ଏହାସହ ଗ୍ୟାଲେରୀରେ ନମ୍ବର ଷ୍ଟିକରିଂ, ପ୍ରେସ ବକ୍ସ, ପାଭିଲିୟନ କାମ ଶେଷ ପର୍ଯ୍ଯାୟରେ ପହଞ୍ଚିଛି । ତେବେ ନେଟ ପାଇଁ ବାଉଁଶ ବ୍ୟବହାର କରାଯିବନି । ବର୍ତ୍ତମାନସୁଦ୍ଧା ୮୦ ପ୍ରତିଶତ କାମ ସରିଥିବା କହିଛନ୍ତି ଓସିଏ ସମ୍ପାଦକ ।

୩ ବର୍ଷ ବ୍ୟବଧାନ ପରେ ବାରବାଟୀକୁ ମ୍ୟାଚ ଫେରିଥିବାରୁ କ୍ରୀଡ଼ାବିତଙ୍କ ଠାରୁ ଆରମ୍ଭ କରି ଦର୍ଶକଙ୍କ ଉତ୍କଣ୍ଠା ବଢିଛି । ଷ୍ଟାର ଭାରତୀୟ ଖେଳାଳିଙ୍କୁ ପାଖରୁ ଦେଖିବା ଓ ସେମାନଙ୍କୁ ନେଟ ପ୍ରାକ୍ଟିସକୁ ଅପେକ୍ଷା କରିଛନ୍ତି କ୍ରିକେଟ ପ୍ରେମୀ । ତାରିଖରେ ଅନଲାଇନରେ ଓ ୫ ଓ ୬ ତାରିଖରେ କାଉଣ୍ଟରରେ ସକାଳ ୧୦ଟାରୁ ମିଳିବ ଟିକେଟ । ୭ ତାରିଖରେ ଉଭୟ ଟିମ ଭୁବନେଶ୍ବରରେ ପହଞ୍ଚିବା ପରେ ୮ ତାରିଖ ପୂର୍ବହ୍ଣରେ ଇଂଲଣ୍ଡ ଓ ଅପରାହ୍ନରେ ଭାରତୀୟ ଟିମ୍ ଅଭ୍ଯାସ କରିବେ ।