କ୍ରିକେଟ ଇତିହାସରେ ବାରବାଟୀ ସୃଷ୍ଟି କରିବ ନୂଆ ଅଧ୍ୟାୟ, ବର୍ଷା ହେଲେ ଗ୍ରାଉଣ୍ଡରେ ପଡ଼ିବନି ଟୋପାଏ ପାଣି

1 min read

ଭୁବନେଶ୍ୱର : ବାରବାଟୀ ଷ୍ଟାଡ଼ିୟମ ଏଥର କ୍ରିକେଟ୍‌ ଇତିହାସରେ ଏକ ନୂଆ ଅଧ୍ୟାୟ ରଚିବାକୁ ଯାଉଛି। ଅନେକ ସମୟରେ ଦେଖିବାକୁ ମିଳେ ଯେ, ଖେଳ ସମୟରେ ବର୍ଷା ବାଧାକ ଯୋଗୁ ମ୍ୟାଚ୍‌ ବାତିଲ ହୋଇଥାଏ। ହେଲେ ପ୍ରଥମ ଥର ପାଇଁ ବାରବାଟୀରେ ବର୍ଷାକୁ ଆଉ ଡ଼ର ରହିବ ନାହିଁ। ବାରବାଟୀ ମ୍ୟାଚ ସମୟରେ ଯଦି ବର୍ଷା ହୁଏ ତେବେ ସମସ୍ତ ଗ୍ରାଉଣ୍ଡକୁ କଭରଅପ୍‌ କରିବାକୁ ଓସିଏ ନିକଟରେ ସମସ୍ତ ସୁବିଧା ରହିଛି।

ପ୍ରଥମ ଥର ପାଇଁ ବାରବାଟୀ ଷ୍ଟାଡ଼ିୟମରେ ଏହି ସୁବିଧା ଉପଲବ୍ଧ ହୋଇଥିବା ପିଚ୍‌ କ୍ୟୁରେଟର କହିଛନ୍ତି। ପୂର୍ବରୁ ଭାରତରେ କେବଳ କୋଲକାତାର ଇଡେନ୍‌ ଗାର୍ଡେନ ଷ୍ଟାଡ଼ିୟମରେ ବର୍ଷା ହେଲେ ସମ୍ପୁର୍ଣ୍ଣ ଗ୍ରାଉଣ୍ଡକୁ ଘୋଡାଇବାର ସୁବିଧା ଥିବା ବେଳେ ଏବେ ବାରବାଟୀ ଷ୍ଟାଡ଼ିୟମରେ ଏହି ସୁବିଧା ଉପଲବ୍ଧ ହୋଇପାରିଛି। ଦୀର୍ଘ ଦିନ ପରେ ବାରବାଟୀକୁ ଅନ୍ତର୍ଜାତୀୟ ମ୍ୟାଚ ମିଳିଥିବାରୁ ଏହାକୁ କିପରି ସୁରୁଖୁରୁରେ ଆୟୋଜନ କରାଯିବ ସେ ନେଇ ରାତିଦିନ ଏକ କରିଦେଇଛି ଓସିଏ।

ମ୍ୟାଚ ପୂର୍ବରୁ ବାରବାଟୀ ଷ୍ଟାଡ଼ିୟମକୁ ନୂଆ ରୂପ ଦେବାକୁ ଓସିଏ ଠାରୁ ଆରମ୍ଭ କରି ପୋଲିସ ପ୍ରଶାସନ ଓ ବିଭିନ୍ନ ସଂସ୍ଥା ଲାଗି ପଡ଼ିଛନ୍ତି। ସମସ୍ତଙ୍କର ଆଶା ମ୍ୟାଚକୁ ସଫଳ କରି ବାରବାଟୀରେ ନୂଆ ଇତିହାସ ରଚିବା । କାରଣ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚରେ ବାରବାଟୀ ଯେଉଁ ବଦମାନ୍ ମୁଣ୍ଡାଇ ଥିଲା, ଏବେ ବେଳ ଆସିଛି ସେ ସବୁ କଳଙ୍କକୁ ପୋଛିବାକୁ । ତା ସହ ନୂଆ ମ୍ୟାନେଜମେଣ୍ଟ କିଭଳି ମ୍ୟାଚ୍ ପରିଚାଳନା କରୁଛି ତାକୁ ମଧ୍ୟ ବିସିସିଆଇ ଅନୁଧ୍ୟାନ କରିବ । ଏହା ଭିତ୍ତିରେ ହିଁ ବାଟବାଟୀ ନିଜର ନୂଆ କୀର୍ତ୍ତିମାନ ସ୍ଥାପନ କରିବା ବୋଲି ଆଶା ।

Opn Commnet Area

Leave a Reply

Your email address will not be published. Required fields are marked *

Close Bitnami banner