ନଳିତା ଚାଷ ଦେଉଛି ରୋଜଗାର

ବାଙ୍କୀ: ନଳିତା ଚାଷର ପେଣ୍ଠସ୍ଥଳ ପାଲିଟିଛି ବାଙ୍କୀ ବିଲିପଡ଼ା ଗାଁ। ଏଠାରେ ପ୍ରାୟ ଦେଢ଼ଶହ ଚାଷୀ ନଳିତା ଚାଷ କରି ଭଲ ରୋଜଗାର କରୁଛନ୍ତି । ଚଳିତ ବର୍ଷ ବନ୍ୟା ହୋଇ ନଥିବାରୁ ଭଲ ଅମଳ ହୋଇଛି । ଫଳରେ ଏଥର ଦୀପାବଳୀରେ କାଉଁରିଆ କାଠି ବିକ୍ରିକରି ଭଲ ରୋଜଗାର କରିପାରିବେ ବୋଲି ସେମାନେ ଆଶା ବାନ୍ଧିଛନ୍ତି । ନଳିତା ଚାଷ କରି ସେଥିରୁ ବାହାରୁଥିବା ଝୋଟକୁ ବିକ୍ରି କରିବା ସହିତ ଦୀପାବଳୀରେ ବ୍ୟବହୃତ ହେଉଥିବା କାଉଁରିଆ କାଠିକୁ ମଧ୍ୟ ବିକ୍ରିକରି ଭଲ ଦୁଇ ପଇସା ଆୟ କରିଥାନ୍ତି।

ନଳିତା ଚାଷରୁ ରୋଜଗାର । ନଳିତା ଚାଷର ପେଣ୍ଠସ୍ଥଳ ପାଲିଟିଛି କଟକ ବାଙ୍କୀ  ବିଲିପଡ଼ା ଗାଁ । ଏହି ଗାଁର ଅଧିକାଂଶ ଚାଷୀ ପରିବାର ନଳିତା ଚାଷ କରି ବେଶ ଭଲ ଦୁଇ ପଇସା ରୋଜଗାର କରୁଛନ୍ତି । ଚଳିତ ବର୍ଷ ବନ୍ୟା ହୋଇ ନଥିବାରୁ ଭଲ ଅମଳ ହୋଇଛି । କୃଷି ବିଭାଗ କେନ୍ଦ୍ରରୁ ନଳିତା ମଞ୍ଜି କିଣି ଜ୍ୟେଷ୍ଠ ମାସରେ ଚାଷ କାର୍ଯ୍ୟ ଆରମ୍ଭ କରିଥାନ୍ତି ଚାଷୀ । ପ୍ରାୟ ଦୁଇ ମାସ ପରେ ନଳିତା ଗଛ ପାକଳ ହୋଇଯିବା ପରେ ତାକୁ ଜମିରୁ କାଟି ଆଣି ବିଡା କରିବା ସହିତ ପୋଖରୀ କିମ୍ବା ଗାଡ଼ିଆ ଭିତରେ ବୁଡାଇ ରଖିଦିଅନ୍ତି। ପାଖାପାଖି ଏକ ମାସ ପରେ ଏହି ଗଛ ସବୁ ପାଣିରେ ଭିଜି ସାରିଥାଏ। ପରେ ତାକୁ ପାଣିରୁ ବାହାର କରି ସେଥିରୁ ଝୋଟ ପ୍ରସ୍ତୁତ କରାଯାଇଥାଏ।

ନଳିତାରୁ ପ୍ରଥମେ ଝୋଟକୁ ବାହାର କରି ସାରିବା ପରେ ସେଥିରୁ କାଉଁରିଆ କାଠିକୁ ଅଲଗା କରିଦିଆଯାଏ। ସେହି କାଠିକୁ ଶୁଖାଇ ବିକ୍ରି କରିବା ପାଇଁ ପ୍ରସ୍ତୁତ କରିଥାନ୍ତି ଚାଷୀ । ଅନେକ ଚାଷୀ ଏହି କାଠିକୁ ନେଇ ଗାଁ ଗାଁ ବୁଲି ବିକ୍ରି କରିବାକୁ ନେଉଥିବା ବେଳେ ଆଉ କିଛି କମ ଲାଭରେ ବ୍ୟବସାୟୀଙ୍କୁ ବିକ୍ରି କରି ଦେଇଥାନ୍ତି ।