ସାଇବର କ୍ରାଇମରେ ବ୍ୟବହାର ବ୍ୟାଙ୍କ ଜମା ଖାତାଧାରୀ ରାକେଟ ଠାବ, ୫ ଜଣ ଗିରଫ
ନନ୍ଦିଘୋଷ ବ୍ୟୁରୋ: କନ୍ଧମାଳ ପୋଲିସ ହାତରେ ସାଇବର କ୍ରାଇମରେ ବ୍ୟବହାର ହେଉଥିବା ବ୍ୟାଙ୍କ ଜମା ଖାତାଧାରୀ ରାକେଟ । ରାକେଟ ଚଳାଉଥିବା ଜଣେ ଘରୋଇ ଫାଇନାନ୍ସ କମ୍ପାନୀ କର୍ମଚାରୀ ସମେତ ୫ ଜଣଙ୍କୁ କନ୍ଧମାଳ ସାଇବର ଥାନା ପୋଲିସ ଗିରଫ କରିଛି । ସେମାନଙ୍କ ଠାରୁ ପୋଲିସ ବିଭିନ୍ନ ବ୍ୟାଙ୍କରେ ଖୋଲା ଯାଇଥିବା ୧୬ଟି ଜମା ଖାତା, ୮ଟି ଏଟିଏମ, ଗୋଟିଏ ଲାପଟପ, ୧୧ଟି ମୋବାଇଲ ଓ ଗୋଟିଏ ପାସପୋର୍ଟ ଜବତ ।
ଗିରଫ ହୋଇଥିବା ଫାଇନାନ୍ସ କମ୍ପାନୀ କର୍ମଚାରୀଙ୍କ ନାମ ତୁଷାରକାନ୍ତି ଦାସ । ସେ ଭୁବନେଶ୍ୱରର ଏକ ଘରୋଇ ଫାଇନାନ୍ସ କମ୍ପାନୀରେ କାମ କରୁଥିଲେ। ତାଙ୍କ ଘର ମୟୁରଭଞ୍ଜ ଜିଲ୍ଲାରେ । ଅନ୍ୟ ୪ ଜଣଙ୍କ ନାମ ଅବିନାଶ ମହାପାତ୍ର, କିରଣ କୁମାର ବେହେରା, ଗୋପାଳ ସିଂ ଏବଂ ବାଦଲ କୁମାର ସ୍ୱାଇଁ । ଏମାନଙ୍କ ଘର ଫୁଲବାଣୀ ଟାଉନ ଥାନା ଅଞ୍ଚଳରେ ବୋଲି କନ୍ଧମାଳ ଏଏସପି ରାମେନ୍ଦ୍ର ପ୍ରସାଦ ସାମ୍ବାଦିକ ସମ୍ବିଳନୀରେ ସୂଚନା ଦେଇଛନ୍ତି ।
