ପୋଲିସ ପୋଷାକରେ ଥିବା ସନ୍ଦିଗ୍ଧ ବାଂଲାଦେଶୀ ଗିରଫ

କେନ୍ଦ୍ରାପଡା: ଓଡ଼ିଶା ପୋଲିସ ପୋଷାକ ପିନ୍ଧିଥିବା ସନ୍ଦିଗ୍ଧ ବାଂଲାଦେଶୀ ଗିରଫ । ହେପାଜତକୁ ନେଇ ପଚରାଉଚରା ଚଳାଇଛି ପାଟକୁରା ପୋଲିସ। ଗତକାଲି ବିଳମ୍ବିତ ରାତିରେ କେନ୍ଦ୍ରାପଡ଼ା ପାଟକୁରା ଥାନା ଅନ୍ତର୍ଗତ ଗରଦପୁର ବଜାର ନିକଟରେ ଜଣେ ସନ୍ଦିଗ୍ଧ ଓଡ଼ିଶା ପୋଲିସର ପୋଷାକ ପିନ୍ଧି ଯାଉଥିଲା । ଏହାଦେଖି କିଛି ଲୋକେ ତାକୁ ଅଟକାଇ ପରିଚୟ ପଚାରିଥିଲେ । ଉତ୍ତରରେ ସେ ପ୍ରଥମେ ହିନ୍ଦୁ ବୋଲି ପରିଚୟ ଦେଇଥିଲା । ପରେ ସେ ତାର ନାଁ ସଲିମ ଖାନ ଓ ସେ ବାଂଲାଦେଶରୁ ଆସିଥିବା କହିଥିଲା । ଲୋକମାନେ ସଙ୍ଗେ ସଙ୍ଗେ ପାଟକୁରା ପୋଲିସକୁ ଖବର ଦେଇଥିଲେ । ପୋଲିସ ପହଞ୍ଚି ବ୍ୟକ୍ତି ଜଣଙ୍କୁ ଗିରଫ କରିବା ସହ ତା ନିକଟରୁ ବିଭିନ୍ନ ମାରଣାସ୍ତ୍ର ଓ ଆପତ୍ତିଜନକ ସାମଗ୍ରୀ ଜବତ କରିଛି ।

ତେବେ ବ୍ୟକ୍ତି ଜଣକ କାହିଁକି ପୋଲିସ ପୋଷାକ ପିନ୍ଧିଥିଲେ, କାହିଁକି ନିଜ ନିକଟରେ ମାରଣାସ୍ତ୍ର ରଖିଥିଲେ ସେନେଇ ପୋଲିସ ତଦନ୍ତ ଜାରି ରଖିଛି ।