ଭାରତ ସହ ବଢ଼ିଲା ତିକ୍ତାତା, ୫ କୂଟନୀତିଜ୍ଞଙ୍କୁ ପ୍ରତ୍ଯାହାର କଲା ବାଂଲାଦେଶ

ନୂଆଦିଲ୍ଲୀ: ଭାରତ ଓ ବାଂଲାଦେଶ ମଧ୍ଯରେ କୂଟନୈତିକ ତିକ୍ତତା ବଢ଼ିବାରେ ଲାଗିଛି ।  ଭାରତ ଲାଗି ନିଯୁକ୍ତ ହାଇକମିଶନର ମୁସ୍ତାଫିଜୁର ରହମାନଙ୍କ ସମେତ ୫ କୂଟନୀତିଜ୍ଞଙ୍କୁ ପ୍ରତ୍ଯାହାର କରିଛି ବାଂଲାଦେଶ । କେବଳ ଭାରତ ନୁହେଁ, ବ୍ରସେଲ୍ସ, କାନବେରା, ଲିସବନରୁ ବି କୂଟନୀତିଜ୍ଞଙ୍କୁ ପ୍ରତ୍ଯାହାର କରାଯାଇଛି । ସେହିପରି ନ୍ୟୁୟର୍କସ୍ଥିତ ଜାତିସଂଘ କାର୍ଯ୍ୟାଳୟରେ ନିୟୋଜିତ ଦୂତଙ୍କୁ ତୁରନ୍ତ ଢାକା ଫେରିବା ଲାଗି ନିର୍ଦ୍ଦେଶ ଦେଇଛି ବୈଦେଶିକ ମନ୍ତ୍ରାଳୟ ।

ବାଂଲାଦେଶରେ ଜାତୀୟ ନିର୍ବାଚନ ହେବା ପୂର୍ବରୁ ଏହି କୂଟନୈତିକ ପଦକ୍ଷେପ ନେଇଛନ୍ତି ବାଂଲାଦେଶର ଅନ୍ତରୀଣ ସରକାର । ଗତ ୨୦୨୦ରୁ ନୂଆଦିଲ୍ଲୀରେ ଉଚ୍ଚାୟୁକ୍ତ ଭାବେ କାର୍ଯ୍ୟ କରୁଥିଲେ ରହମାନ । ଗତ ଅଗଷ୍ଟରେ ହୋଇଥିବା ବାଂଲାଦେଶ ହିଂସା ପରେ ପ୍ରଧାନମନ୍ତ୍ରୀ ପଦରୁ ଇସ୍ତଫା ଦେଇ ଶେଖ ହସିନା ଭାରତ ଆସିବା ପରେ ଦୁଇ ଦେଶ ମଧ୍ଯରେ ବଢିଥିଲା ଶୀତଳ ବିବାଦ । ହିଂସାରେ ପ୍ରାୟ ୭୦୦ ଲୋକଙ୍କ ମୃତ୍ଯୁ ଘଟିଥିବାବେଳେ ଅନ୍ତରୀଣ ସରକାରର ଦାୟିତ୍ବ ନେଇଥିଲେ ପ୍ରଫେସର ମହମ୍ମଦ ୟୁନୁସ ।