ଭାରତ ଗସ୍ତ ବାତିଲ୍ କଲେ ବାଂଲାଦେଶ ବୈଦେଶିକ ମନ୍ତ୍ରୀ

ନୂଆଦିଲ୍ଲୀ : ଭାରତୀୟ ସଂସଦରେ ନାଗରିକତା ସଂଶୋଧନ ବିଲ୍ ପାସ୍ ହେବା ପରେ ଦକ୍ଷିଣ ଏସୀୟ ଦେଶ ଗୁଡ଼ିକର ନେତାମାନେ ପ୍ରତିକ୍ରିୟା ପ୍ରକାଶ କରୁଛନ୍ତି । ବିଶେଷକରି ପାକିସ୍ତାନ ଓ ବାଂଲାଦେଶର ନେତା କଡ଼ା ଆଭିମୁଖ୍ୟ ଆପଣାଇଛନ୍ତି ।

ବାଂଲାଦେଶର ବୈଦେଶିକ ମନ୍ତ୍ରୀ ତଥା ଅର୍ଥନୀତିଜ୍ଞ ଏ.କେ ଅବଦୁଲ୍ ମୋମେନ୍ ତାଙ୍କର ତିନିଦିନିଆ ଭାରତ ଗସ୍ତ ବାତିଲ୍ କରିଥିବା ସୂଚନା ମିଳିଛି । ଡିସେମ୍ବର ୧୨ରୁ ୧୪ ଯାଏଁ ଭାରତ ଗସ୍ତରେ ଆସିଥାନ୍ତେ ବାଂଲାଦେଶର ବୈଦେଶିକ ମନ୍ତ୍ରୀ । ବିଲ୍ ପାସ୍ ହେବା ପରେ ସେହି ପ୍ରସଙ୍ଗକୁ ଆଖି ଆଗରେ ରଖି ସେ ଏଭଳି ନିଷ୍ପତ୍ତି ନେଇଥିବା ଚର୍ଚ୍ଚା ହେଉଛି । ତେବେ ମୋମେନ୍ କାହିଁକି ଗସ୍ତ ବାତିଲ୍ କଲେ ସେ ନେଇ କିଛି ଜଣାପଡ଼ିନାହିଁ ।