ଆଜି ଘୋଷଣା ହେବ ବାଂଲାଦେଶ ନିର୍ବାଚନ ଫଳାଫଳ

ନୂଆଦିଲ୍ଲୀ : ଆଜି ଘୋଷଣା ହେବ ବାଂଲାଦେଶ ନିର୍ବାଚନୀ ଫଳାଫଳ। ଭୋଟ ବର୍ଜନ ଓ ଦେଶବ୍ୟାପୀ ଧର୍ମଘଟ ଭିତରେ ବାଂଲାଦେଶରେ ଭୋଟ ଗ୍ରହଣ ଶେଷ ହୋଇଥିବା ବେଳେ ଫଳାଫଳ ଅପେକ୍ଷାରେ ପୂରା ବାଂଲାଦେଶ। ୨୦୦୮ରୁ ପ୍ରଧାନମନ୍ତ୍ରୀ ଥିବା ଆଓ୍ବାମି ପାର୍ଟି ନେତ୍ରୀ ଶେଖ ହାସିନା ଚତୁର୍ଥ ଥର ଲାଗି ପ୍ରଧାନମନ୍ତ୍ରୀ ହେବାର ଅଧିକ ସମ୍ଭାବନା ରହିଛି । ସମ୍ଭାବ୍ୟ ହିଂସା ଆଶଙ୍କାକୁ ଦୃଷ୍ଟିରେ ରଖି ବହୁ ସଂଖ୍ୟକ ସୁରକ୍ଷା ବାହିନୀ ମୁତୟନ କରାଯାଇଛି। ଏଥିସହ ସୁରକ୍ଷା ଏଜେନ୍ସିଗୁଡ଼ିକୁ ହାଇ ଆଲର୍ଟରେ ରଖାଯାଇଛି।

ମୁଖ୍ୟ ବିରୋଧୀ ଦଳ ତଥା ଖାଲେଦା ଜିଆ ନେତୃତ୍ବାଧୀନ ବାଂଲାଦେଶ ନ୍ୟାସନାଲ ପାର୍ଟିର ବର୍ଜନ ସତ୍ତ୍ବେ ସମ୍ପନ୍ନ ହୋଇଛି ନିର୍ବାଚନ। ୫ଟି ସ୍କୁଲ ଓ ଟ୍ରେନକୁ ପୋଡିଦେଇଥିଲେ ଆନ୍ଦୋଳନକାରୀ । ବିଏନପି ଏକ ଆତଙ୍କବାଦୀ ସଂଗଠନ ବୋଲି କହିଛନ୍ତି ଶେଖ ହାସିନା। ବିଏନପି ନେତ୍ରୀ ଖାଲେଦା ଜିଆଙ୍କୁ ଗୃହବନ୍ଦୀ କରି ରଖାଯାଇଥିବାବେଳେ ସେ ଦୁର୍ନୀତି ମାମଲାରେ ପୂର୍ବରୁ ଦୋଷୀ ସାବ୍ୟସ୍ତ ହୋଇଛନ୍ତି । ଭାରତର ୩ ପ୍ରତିନିଧିଙ୍କ ସମେତ ୧୦୦ ବିଦେଶୀ ନିର୍ବାଚନ ପର୍ଯ୍ୟବେକ୍ଷକ ହୋଇଛନ୍ତି ନିୟୋଜିତ । ୩୫୦ ଆସନ ବିଶିଷ୍ଟ ସଂସଦରେ ୨୯୯ ଆସନରେ ହୋଇଛି ଭୋଟ । ୧ ହଜାର ୯୭୦ ପ୍ରାର୍ଥୀ ନିର୍ବାଚନ ମଇଦାନରେ ଥିବାବେଳେ ୧୨ କୋଟି ଭୋଟର ମତସାବ୍ୟସ୍ତ କରିଛନ୍ତି ।