ବିସ୍ଫୋରଣରେ ଥରିଲା ବାଂଲାଦେଶ, ୧୫ ଜଣଙ୍କ ମୃତ୍ୟୁ

ଢାକା: ବିସ୍ଫୋରଣରେ ଥରିଲା ବାଂଲାଦେଶ ଢାକା । ବିସ୍ଫୋରଣରେ ୧୫ ଜଣଙ୍କ ମୃତ୍ୟୁ ଘଟିଥିବାବେଳେ ଆହତ ହୋଇଛନ୍ତି ୧୦୦ରୁ ଅଧିକ ଲୋକ । ଢାକାର ସିଦ୍ଦିକ ବଜାର ଅନ୍ତର୍ଗତ ଗୁଲିସ୍ତାନ ନାମକ ଏକ ଜନଗହଳିପୂର୍ଣ୍ଣ ମାର୍କେଟରେ ଏହି ବିସ୍ଫୋରଣ ଘଟିଛି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି । ୫ରୁ ଅଧିକ ଅଗ୍ନିଶମବାହିନୀ ନିଆଁଲିଭା କାର୍ଯ୍ୟରେ ନିୟୋଜିତ ରହିଛନ୍ତି ।

ଆହତମାନଙ୍କୁ ସ୍ଥାନୀୟ ଢାକା ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଛି । ବ୍ରାକ୍ ବ୍ୟାଙ୍କର ଶାଖା ନିକଟରେ ଏହି ବିସ୍ଫୋରଣ ଘଟିଛି । ମୃତକଙ୍କ ମଧ୍ୟରେ କେତେକ ମହିଳା ଥିବା ସୂଚନା ମିଳିଛି । ଏହି କୋଠାରେ ସାନିଟାରି ସାମଗ୍ରୀ ବିକ୍ରି ହେଉଥିଲା । ତେବେ କେଉଁ କାରଣରୁ ବିସ୍ଫୋରଣ ଘଟିଲା ତାହାର ତଦନ୍ତ ଜାରି ରହିଛି ।