ଭାରତ ଆଗରେ ୨୫୭ ରନର ବିଜୟ ଲକ୍ଷ୍ୟ

ପୁନେ: ବାଂଲାଦେଶ ଭାରତ ବିପକ୍ଷ ବିଶ୍ବକପର ଗୁରୁତ୍ବପୂର୍ଣ୍ଣ ମ୍ୟାଚରେ ୨୫୬ ରନ କରିବାରେ ସକ୍ଷମ ହୋଇଛି । ଭାରତ ଆଗରେ ୨୫୭ ରନର ବିଜୟ ଲକ୍ଷ୍ୟ ରହିଛି । ବାଂଲାଦେଶ ଟସ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବାବେଳେ ୫୦ ଓଭର ମଧ୍ୟରେ ୮ଟି ଓ୍ବିକେଟ ହରାଇ ୨୫୬ ରନ କରିବାରେ ସକ୍ଷମ ହୋଇଛି । ଭାରତ ନିଜର ପ୍ରଥମ ତିନୋଟି ମ୍ୟାଚ ଜିତିଥିବାବେଳେ ଏହି ମ୍ୟାଚରେ ବିଜୟ ହୋଇ ଧାରା ଜାରି ରଖିବା ପ୍ରୟାସ ଜାରି ରଖିବ । ବାଂଲାଦେଶ ପକ୍ଷରୁ ଲିଟନ ଦାସ ସର୍ବାଧିକ ୬୬ ରନ କରିଥିବାବେଳେ ତନଜିକ୍ ହାସନ ୫୧ ରନର ପାଳି ଖେଳିଛନ୍ତି । ଦୁଇ ଓପନର ବ୍ୟାଟ୍ସମ୍ୟାନ ଦମଦାର ପ୍ରଦର୍ଶନ କରିଥିବାବେଳେ ପରବର୍ତ୍ତୀ ସମୟରେ ଅନ୍ୟ ବ୍ୟାଟ୍ସମ୍ୟାନମାନେ ବଡ଼ ପାଳି ଖେଳିପାରିନଥିଲେ । ମହମଦୁଲ୍ଲା ୩୬ ବଲରୁ ୪୬ ରନର ପାଳି ଖେଳିଥିଲେ । ଅର୍ଦ୍ଧଶତକ କରିବା ପୂର୍ବରୁ ଶେଷ ଓଭରେ ବୁମରାଙ୍କ ବଲରେ ଆଉଟ୍ ହୋଇ ପାଭିଲିୟନ ଫେରିଥିଲେ ।