ବିଜେଡି ପକ୍ଷରୁ କାକରୁଦ୍ରପୁର ପଞ୍ଚାୟତରେ ବନ୍ଧୁ ମିଳନ କାର୍ଯ୍ୟକ୍ରମ
ବାଲିପାଟଣା: ବିଜୁ ଜନତା ଦଳ ପକ୍ଷରୁ କାକରୁଦ୍ରପୁର ପଞ୍ଚାୟତ କଲ୍ୟାଣମଣ୍ଡପ ଠାରେ ବନ୍ଧୁମିଳନ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ବାଲିଅନ୍ତା ଏବଂ ବାଲିପାଟଣା ବ୍ଲକର ନବନିର୍ବାଚିତ ସରପଞ୍ଚ ସମିତି ସଭ୍ୟ ସଭ୍ୟାମାନଙ୍କୁ ନେଇ ଏହି ବନ୍ଧୁ ମିଳନ କାର୍ଯ୍ୟକ୍ରମ ରଖାଯାଇଥିଲା । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଜୟଦେବ ନିର୍ବାଚନ ମଣ୍ଡଳୀର ବିଧାୟକ ଡକ୍ଟର ଅରବିନ୍ଦ ଢ଼ାଲି ଯୋଗଦେଇଥିଲେ ।
ନିବନିର୍ବାଚିତ ଜନପ୍ରତିନିଧିଙ୍କୁ ଉତ୍ତରୀୟ ଦେଇ ସମ୍ବର୍ଦ୍ଧନା କରିଥିଲେ । ସମସ୍ତ ନବନିର୍ବାଚିତ ଜନପ୍ରତିନିଧି ମାନେ କିଭଳି ଏକ ମନଭାବ ରଖି ଜୟଦେବ ନିର୍ବାଚନ ମଣ୍ଡଳୀର ବିକାଶ ଦିଗରେ କାର୍ଯ୍ୟ କରିବେ ସେଥିପ୍ରତି ଦୃଷ୍ଟି ଦେବା ପାଇଁ ବିଧାୟକ ପରାମର୍ଶ ଦେଇଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶର କାର୍ଯ୍ୟ ଶୈଳୀକୁ ଅନୁସରଣ କରି ଆଗାମୀ ଦିନରେ ପଞ୍ଚାୟତକୁ ବିକାଶ ଦିଗରେ ଆଗେଇ ନେବା ପାଇଁ ସଂକଳ୍ପ ବଦ୍ଧ କରିଲେ ନବନିର୍ବାଚିତ ଜନପ୍ରତିନିଧି । ଅନ୍ୟମାନଙ୍କ ମଧ୍ୟରେ ଏହି କାର୍ଯ୍ୟକ୍ରମରେ ଶତାଧିକରେ ବିଜେଡି କର୍ମୀ ଯୋଗ ଦେବା ସହ ପୂର୍ବତନ ଜିଲ୍ଲାପରିଷଦ, ସରପଞ୍ଚ, ସମିତି ସଭ୍ୟ ମାନେ ଉପସ୍ଥିତ ରହିଥିଲେ ।
