ବାଲିପାଟଣା ଶିସିଲୋ ଆଶିଷ ଓଝା ହତ୍ୟା ମାମଲାର ପର୍ଦ୍ଦାଫାସ; ସାଙ୍ଗ ସାଜିଥିଲେ ଷଡ଼ଯନ୍ତ୍ରକାରୀ

ବାଲିପାଟଣା: ବାଲିପାଟଣା ଶିଶିଲୋର ଆଶିଷ ଓଝା ହତ୍ୟା ମାମଲାର ପର୍ଦ୍ଦାଫାସ୍ । ସାଙ୍ଗ ସାଜିଥିଲେ ଷଡ଼ଯନ୍ତ୍ରକାରୀ । ହତ୍ୟା ଘଟଣାରେ ମୁଖ୍ୟ ଅଭିଯୁକ୍ତ ରାଜ କିଶୋର ଦାଶ ଓରଫ ରାଜା, ସହଯୋଗୀ ରାକେଶ ସେଠୀ ଓ ଦୁର୍ଯୋଧନ ବେହେରାକୁ ଗିରଫ କରିଛି ବାଲିପାଟଣା ଥାନା ପୋଲିସ । ଆଶିଷଙ୍କ ଭଉଣୀକୁ ଏକ ତରଫା ପ୍ରେମ କରୁଥିଲା ମାଷ୍ଟରମାଇଣ୍ଡ ରାଜକିଶୋର ଓରଫ ରାଜା । ଏହାକୁ ବିରୋଧ କରୁଥିଲେ ଆଶିଷ । ତେଣୁ ଭାଇକୁ ରାସ୍ତାରୁ ହଟାଇବାକୁ ହୋଇଥିଲା ପ୍ଲାନ । ଏଥିରେ ସହଯୋଗ କରିଥିଲା ସାଙ୍ଗ ରାକେଶ ।

ଘଟଣା ଦିନ ଆଶିଷର ସାଙ୍ଗ ରାକେଶ ସେଠୀ ରାତି ୯ଟାରେ ଫୋନ କରି ଡାକିଥିଲା । ନିଶା ସେବନ କରିବାକୁ କହି ବୋଧଖଣ୍ଡି ଆମ୍ବତୋଟାକୁ ଡାକି ଥିଲା ରାକେଶ । ପୂର୍ବ ଯୋଜନା ମୁତାବକ ରାଜା, ଦୁର୍ଯୋଧନ ଓ ରାକେଶ ଆଶିଷଙ୍କୁ ଶକ୍ତ ଆଘାତ ଦେଇଥିଲେ । ତା ପରେ ଆଶିଷଙ୍କ ବେକକୁ ଗାମୁଛାରେ ଶ୍ୱାସରୁଦ୍ଧ କରି ହତ୍ୟା କରିଥିଲେ । ମୃତ୍ୟୁ ପରେ ମୃତଦେହକୁ ବିଲ ମଝିକୁ ଫିଙ୍ଗି ଦେଇଥିଲେ । ଘଟଣାସ୍ଥଳରୁ ଆଶିଷଙ୍କ ମୃତଦେହ ମିଳିଥିବା ବେଳେ ଏଯାଏଁ ମିଳିନି ମୋବାଇଲ । ତେବେ ଆଜି ପୋଲିସ କ୍ରାଇମସିନ୍ ରିକ୍ରିଏଟ କରିପାରେ ।