ବାଲିପାଟଣା : ପାନେ ପାଇଲା ରୋଡ ରୋମିଓ । ରାଜଧାନୀ ଉପକଣ୍ଠ ବାଲିପାଟଣା ଥାନା ଅଂଚଳରେ କଲେଜ ଛାତ୍ରୀଙ୍କୁ ଅଶ୍ଳିଳ ଇଙ୍ଗିତ ସହ ଅଶାଳୀନ ବ୍ୟବହାର କରିବା ପଡିଲା ମହଙ୍ଗା। ଗଛରେ ବନ୍ଧା ହେଲା ରୋଡ ରୋମିଓ । ମାଣିକ ସାହିର କିଛି କଲେଜ ଛାତ୍ରୀ କେନାଲ ବନ୍ଧ ରାସ୍ତାରେ ନିମାପଡ଼ା ସ୍ଥିତ ଏକ ଘରୋଇ କୋଚିଙ୍ଗ ସେଣ୍ଟରକୁ ପଢିବାକୁ ଯାଉଥିଲେ । ପୂର୍ବରୁ ଜଣେ ଯୁବକ ପଦ୍ମପୁର ନିକଟରେ ଲୁଚି ରହିଥିଲା । ଛାତ୍ରୀ ମାନଙ୍କୁ ଦେଖି ଅଭିଯୁକ୍ତ ଅଶ୍ଳିଳ ଇଙ୍ଗିତ କରିବା ସହ ଦୁର୍ବ୍ୟବହାର କରିଥିଲା । ଛାତ୍ରୀ ମାନେ ଚିତ୍କାର କରିବାରୁ ସ୍ଥାନୀୟ ଲୋକ ଘଟଣାସ୍ଥଳରେ ପହଁଞ୍ଚି ଅଭିଯୁକ୍ତକୁ କାବୁ କରିଥିଲେ । ଅଭିଯୁକ୍ତ ନିମାପଡ଼ାର ହେମନ୍ତ ନାୟକକୁ ସ୍ଥାନୀୟ ଲୋକେ ଏକ ଗଛ ରେ ବାନ୍ଧି ପୋଲିସକୁ ଖବର ଦେଇଥିଲେ । ବାଲିପାଟଣା ଥାନା ପୋଲିସ ଘଟଣାସ୍ଥଳରେ ପହଁଞ୍ଚି ରୋଡ ରୋମିଓକୁ ଥାନାରେ ଅଟକ ରଖିଛି । ତେବେ ଏହି ରୋଡ ରୋମିଓ ବାରମ୍ବାର ଛାତ୍ରୀ ମାନଙ୍କୁ ଏକୁଟିଆ ଦେଖି ଅଶାଳୀନ ବ୍ୟବହାର କରୁଥିବା ଛାତ୍ରୀ ମାନେ ଅଭିଯୋଗ କରିଛନ୍ତି ।
