ନାରାୟଣଙ୍କ ଘର ବାହୁଡ଼ା: ଯାଇଥିଲେ ଏକା, ବିଜେପି କର୍ମୀଙ୍କୁ ନେଇ ଫେରିଲେ

ଭୁବନେଶ୍ୱର: ବିଜୁ ଜନତା ଦଳ (ବିଜେଡି)କୁ ଚକ୍‌ମା‌ ଦେବାକୁ ଯାଇ ମାଟି କାମୁଡିଛି ଭାରତୀୟ ଜନତା ପାର୍ଟି(ବିଜେପି) । ଉପ ନିର୍ବାଚନ ପୂର୍ବରୁ ବାଲେଶ୍ୱର ସଦରରେ ବଢୁଛି ବିଜେଡିର ବଳ । ବ୍ଲକ ଅଧ୍ୟକ୍ଷ ନାରାୟଣ ପ୍ରଧାନ ବିଜେଡିକୁ ଫେରିଛନ୍ତି । ବାଲେଶ୍ୱର ସଦର ଉପ ନିର୍ବାଚନର ଦାୟିତ୍ୱରେ ଥିବା ବିଜେଡି ବିଧାୟକ ପ୍ରତାପ ଦେବ ଓ ବିଜେଡି ସଂଗଠନର ସାଧାରଣ ସମ୍ପାଦକ ପ୍ରଣବ ପ୍ରକାଶ ଦାଶଙ୍କ ଉପସ୍ଥିତିରେ ଦଳକୁ ଫେରିଛନ୍ତି ନାରାୟଣ ପ୍ରଧାନ । ନାରାୟଣଙ୍କ ସମେତ ଅନେକ ବିଜେପି କର୍ମୀ ମଧ୍ୟ ବିଜେଡିରେ ସାମିଲ ହୋଇଛନ୍ତି । ଗତ ୭ ତାରିଖରେ ବିଜେପିରେ ସାମିଲ ହୋଇଥିଲେ ନାରାୟଣ । ବିଭିନ୍ନ ପ୍ରକାର ଆଶା ଦେଖାଇ ନାରାୟଣଙ୍କୁ ନିଜ ଦଳରେ ସାମିଲ କରିଥିଲା ବିଜେପି । କିନ୍ତୁ ଦୁଇ ଦିନ ଭିତରେ ଆଶା ଏବଂ ପ୍ରତିଶ୍ରୁତି ନେଇ ବାସ୍ତବତା ଜଣା ପଡିବା ପରେ, ମୁଁ ପୁଣି ଥରେ ଘରକୁ ଫେରିଆସିଛି ଏବଂ ଆଗମୀ ଉପ ନିର୍ବାଚନରେ ଦଳ ପାଇଁ କାର୍ଯ୍ୟ କରିବି ବୋଲି କହିଛନ୍ତି ନାରାୟଣ ପ୍ରଧାନ ।

ଉପ-ନିର୍ବାଚନ ନେଇ ବିଜ୍ଞପ୍ତି ପ୍ରକାଶ: ଘରେ ବସି ବି ଦେଇ ହେବ ଭୋଟ