ଫେମିନା ମିସ୍ ଇଣ୍ଡିଆ ଓଡିଶା କ୍ରାଉନ୍ ହାତେଇଲେ ବଲାଙ୍ଗିର ଝିଅ

ଭୁବନେଶ୍ବର: ଭିଏଲସିସି ଫେମିନା ମିସ୍ ଇଣ୍ଡିଆ ଓଡିଶା-୨୦୨୦ କ୍ରାଉନ୍ ହାତେଇଛନ୍ତି ବଲାଙ୍ଗିରର ଝିଅ ଶୁଭଶ୍ରୀ ରାୟଗୁରୁ । ଏଥିସହିତ ସେ ଭିଏଲସିସି ଫେମିନା ମିସ୍ ଇଣ୍ଡିଆର ଟନ୍-୩୧ରେ ପ୍ରବେଶ କରିପାରିଛନ୍ତି ।

ଏବେ ସେ ବିଭିନ୍ନ ଦେଶରୁ ବଛାବଛା ୩୦ ଜଣ ପ୍ରତିଯୋଗୀଙ୍କ ସହ ପ୍ରତିଯୋଗିତା କରିବାକୁ ଯାଉଛନ୍ତି । ଯାହା ଫଳରେ ସେ ଟପ୍-୧୫ ଜଣଙ୍କ ମଧ୍ୟରେ ସ୍ଥାନ ପାଇପାରିବେ ।

ଓଡିଶାର ଟପ୍-୫ ଫାଇନାଲିଷ୍ଟ ମଧ୍ୟରୁ ଶୁଭଶ୍ରୀ ଏହି ସୁନ୍ଦରୀ ପ୍ରତିଯୋଗୀତା ପାଇଁ ଯୋଗ୍ୟ ବିବେଚିତ ହୋଇଛନ୍ତି ।

ସହରରେ ଥିବା କେନ୍ଦ୍ରୀୟ ବିଦ୍ୟାଳୟ-୨ରେ ପାଠ ପଢା ସମୟରୁ ଅଭିନୟ ଓ ମଡେଲିଂ ପ୍ରତି ତାଙ୍କର ରୁଚି ରହିଥିଲା । ଯାହାକୁ ସେ ପାଠପଢ ସହ ପାସନ୍ କରିଥିଲେ ।  ତେବେ ଆଗାମୀ ଭବିଷ୍ୟତରେ ସେ ମହିଳା ସଶକ୍ତିକରଣ ଦିଗରେ କାର୍ଯ୍ୟ କରିବେ ବୋଲି ସୂଚନା ମିଳିଛି ।