ନନ୍ଦିଘୋଷ ଟିଭି ପ୍ରଭାବ: ୨ଜଣ ଗାଁ ସାଥିଙ୍କୁ ବହିଷ୍କୃତ କଲେ ବଲାଙ୍ଗୀର ଜିଲ୍ଲାପାଳ

1 min read

ବଲାଙ୍ଗୀର: ପୁଇଁତଲା ବ୍ଲକ ଖରଜୁରା ଗାଁରେ ମନରେଗା କାମରେ ବ୍ୟାପକ ଦୁର୍ନୀତିରେ ଜିଲ୍ଲାପାଳଙ୍କ କାର୍ଯ୍ୟାନୁଷ୍ଠାନ । କାମ କରିନଥିବା ଶ୍ରମିକ ନାଁରେ ମିଥ୍ୟ ବିଲ କରି ଉଠିଥିଲା ଲକ୍ଷଲକ୍ଷ ଟଙ୍କା । ଦୁଇ ଜଣ ଗାଁ ସାଥି ଡାକ୍ତର ଭୋଇ ଓ ଯୁଧିଷ୍ଠିର ପଟେଲକୁ କାର୍ଯ୍ୟରୁ ବହିଷ୍କୃତ କରାଯାଇଥିବା ବେଳେ ବୁବେଳ ପଞ୍ଚାୟତର ଜିଆରଏସ ଉଦ୍ଧବ ମୁନ୍ନାକୁ ଅନ୍ୟତ୍ର ବଦଳି କରାଯାଇଛି । ପଞ୍ଚାୟତର କାର୍ଯ୍ୟନିର୍ବାହୀ ଅଧିକାରୀ(ଇଓ)କୁ ବାଙ୍କବିହାରୀ ଖମାରୀକୁ କାରଣଦର୍ଶାଅ ନୋଟିସ ଜାରି କରାଯାଇଛି । ପୁଇଁତଲା ବିଡ଼ିଓ ରବିନାରାୟଣ ଆଚାର୍ଯ୍ୟକୁ କାର୍ଯ୍ୟରେ ଅବହେଳା ପାଇଁ ତାଗିତ କରାଯାଇଥିବା ନେଇ ସୂଚନା ମିଳିଛି । କାର୍ଯ୍ୟାନୁଷ୍ଠାନ ନେଇ ସୂଚନା ଦେଇଛନ୍ତି ବଲାଙ୍ଗୀର ଜିଲ୍ଲାପାଳ ଚଞ୍ଚଳ ରାଣା । ମନରେଗା ଯୋଜନାରେ ଖରଜୁରା ଗାଁର ବନ୍ଦ କାମ ପାଇଁ ଟଙ୍କା ଆସିଥିଲା । ଦୁଇ ସପ୍ତାହ ପାଇଁ ଗାଁର ୬୦ରୁ ୭୦ଜଣ ଶ୍ରମିକମାନଙ୍କୁ କାମ ଦେଇ ସେମାନଙ୍କୁ ବାହାର କରିଦିଆଯାଇଥିଲା । ଶ୍ରମିକଙ୍କ କାମ କରିଥିବା ଟଙ୍କା ମଧ୍ୟ ମିଳିନଥିବା ଅଭିଯୋଗ କରିଥିଲେ । ଗାଁ ସାଥି ଓ ଜିଆରଏସ ଅନ୍ୟ ଅଧିକାରୀମାନଙ୍କ ସହ ମିଶି ଭୂତ ଶ୍ରମିକଙ୍କ ନାଁରେ ମିଥ୍ୟା ବିଲ କରି ଲକ୍ଷ ଲକ୍ଷ ଟଙ୍କା ହଡ଼ପ କରିଥିବା ଅଭିଯୋଗ ହୋଇଥିଲା । ଏନେଇ ନନ୍ଦିଘୋଷ ଟିଭିରେ ପ୍ରସାରଣ ପରେ ଜିଲ୍ଲା ପ୍ରଶାସନ ତରଫରୁ ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।

ଏଥିସହିତ ପଢ଼ନ୍ତୁ: ସେଲ୍‌ଫି ନେବା ବେଳେ ବୈତରଣୀ ନଦୀରେ ଭାସିଯାଇ ଜଣେ ନିଖୋଜ

 

Opn Commnet Area

Leave a Reply

Your email address will not be published. Required fields are marked *

Close Bitnami banner