ନନ୍ଦିଘୋଷ ବ୍ୟୁରୋ: ବଢ଼ିଲା ବାଲିଯାତ୍ରା ସାଂସ୍କୃତିକ କାର୍ଯ୍ଯକ୍ରମ ଅବଧି। ରାତି ୧୦ଟା ବଦଳରେ ରାତି ୧୦.୩୦ଟା ଯାଏ ଚାଲିବ କାର୍ଯ୍ୟକ୍ରମ। ଏନେଇ ନିଷ୍ପତ୍ତି ନେଇଛି ଜିଲ୍ଲା ପ୍ରଶାସନ। ସାଂସ୍କୃତିକ କାର୍ଯ୍ୟକ୍ରମ ଅବଧି ଆଉ ଅଧ ଘଣ୍ଟାଏ ବଢାଇବା ଲାଗି ପ୍ରଶାସନ ନିଷ୍ପତ୍ତି ନେଇଛି। ହଜାର ହଜାର ଦର୍ଶକଙ୍କ ସ୍ବାର୍ଥ ଦୃଷ୍ଟିରୁ ଏହି ପଦକ୍ଷେପ ନିଆଯାଇଛି। ଗତକାଲି ବାଲିଯାତ୍ରାରେ ବୈଷ୍ଣବ ପାଣି ମଞ୍ଚରେ ଅସୀମା ପଣ୍ଡାଙ୍କ କାର୍ଯ୍ୟକ୍ରମ ଚାଲିଥିଲା। ହେଲେ ରାତି ୧୦ଟା ହୋଇଯିବାରୁ ପୋଲିସ ଆସି ମାଇକ ବନ୍ଦ କରିଦେଇଥିଲା। ଏହା ସହ ମଞ୍ଚ ନିକଟକୁ ଯାଇ କାର୍ଯ୍ଯକ୍ରମକୁ ବନ୍ଦ କରିବା ଲାଗି ପୋଲିସ କହିଥିଲା। ଏହି ଘଟଣାକୁ ନେଇ ସେଠାରେ ହୋହଲ୍ଲା ପରିଲକ୍ଷିତ ହୋଇଥିଲା।
