ରଥଯାତ୍ରା କରିବା ନେଇ ଗଜପତିଙ୍କୁ ଚିଠି ଲେଖିଲେ ବଳଭଦ୍ରଙ୍କ ମୁଖ୍ୟ ବାଡ଼ଗ୍ରାହୀ
ପୁରୀ: ରାଜ୍ୟରେ କରୋନା ମହାମାରି ପାଇଁ ଲକ୍ଡାଉନ ଜାରି ରହିଛି । ଲକ୍ଡାଉନ ପାଇଁ ପୁରୀରେ ରଥଯାତ୍ରା ହେବ କି ନାହିଁ ତାହା ଅନିଶ୍ଚିତତା ଘେରରେ ରହିଛି । ତେବେ କେମିତି ରଥଯାତ୍ରା ସୁଚାରୁ ରୂପରେ ହୋଇପାରିବ ସେନେଇ ଗଜପତି ମହାରାଜଙ୍କୁ ଚିଠି ଲେଖିଛନ୍ତି ଶ୍ରୀମନ୍ଦିର ବଳଭଦ୍ରଙ୍କ ମୁଖ୍ୟ ବାଡ଼ଗ୍ରାହୀ ହଳଧର ଦାସମହାପାତ୍ର ।
ଶ୍ରୀମନ୍ଦିର ପରଂପରା ରୀତିନୀତି ଓ ମର୍ଯ୍ୟାଦାକୁ ଅକ୍ଷୁର୍ଣ୍ଣ ରଖିବା ନେଇ ସେ ଚିଠି ଲେଖିଛନ୍ତି । ଆଗାମୀ ଜୁନ୍ ୫ତାରିଖରେ ମହାପ୍ରଭୂଙ୍କ ସ୍ନ।ନଯାତ୍ରା ଶୃଙ୍ଖଳିତ ଭାବେ ସଂପନ୍ନ କରାଯାଉ । ୨୩ ତାରିଖରେ ମହାପ୍ରଭୂଙ୍କ ରଥଯାତ୍ରା କିଭଳି ନିର୍ବିଘ୍ନରେ ଅନୁଷ୍ଠିତ ହେବ, ସେନେଇ ଉପଯୁକ୍ତ ପନ୍ଥା ଅବଲମ୍ବନ କରାଯାଉ ।
ଅତୀତରେ ବିଭିନ୍ନ କାରଣ ପ୍ରତିବନ୍ଧକ ସାଜିଥିଲେ ବି ରଥଯାତ୍ରା ଅନୁଷ୍ଠିତ ହୋଇଛି । ଏବର୍ଷ ମଧ୍ୟ ସେହି ପରଂପରା ବଜାୟ ରଖିବାକୁ ସେ ଗୁରୁତ୍ୱ ଦେଇଛନ୍ତି।
