ଭୁବନେଶ୍ବର : ଆଜି ଭାଙ୍ଗିବନି ଖଣ୍ଡଗିରି ସ୍ଥିତ ଶ୍ରୀବୈକୁଣ୍ଠ ଧାମ ଆଶ୍ରମ। ଶ୍ରୀବୈକୁଣ୍ଠଧାମ ଆଶ୍ରମର ଉଚ୍ଛେଦ ଉପରେ ରହିତାଦେଶ ଲଗାଇଛନ୍ତି ହାଇକୋର୍ଟ। ଆସନ୍ତା ଡିସେମ୍ବର ୧୨ ତାରିଖ ପର୍ଯ୍ୟନ୍ତ ଆଶ୍ରମ ଉଚ୍ଛେଦ ଉପରେ ଲାଗିଛି ରହିତାଦେଶ। ଆଶ୍ରମ ଭଂଗା ଯିବା ନେଇ ବିଡିଏର ନିଷ୍ପତ୍ତିକୁ ଚ୍ୟାଲେଞ୍ଜ କରି ହାଇକୋର୍ଟଙ୍କ ଦ୍ଵାରସ୍ଥ ହୋଇଥିଲେ ଆଶ୍ରମ କର୍ତ୍ତୃପକ୍ଷ। ଆବେଦନକୁ ଗ୍ରହଣ କରି ଏହି ରହିତାଦେଶ ଜାରି କରିଛନ୍ତି ହାଇକୋର୍ଟ। ଏହି ନିର୍ଦ୍ଦେଶ ପରେ ଆଜି ଆଶ୍ରମ ଭଂଗାଯିବନି ବୋଲି ସ୍ପଷ୍ଟ କରିଛି ବିଡିଏ। ହାଇକୋର୍ଟଙ୍କ ରହିତାଦେଶ ପରେ ବଦଳିଲା ବିଡିଏର ନିଷ୍ପତ୍ତି। କୋର୍ଟଙ୍କ ରହିତାଦେଶ ପରେ ଧର୍ମର ଜୟ ହୋଇଛି ବୋଲି କହିଛନ୍ତି ବାବାଙ୍କ ସମର୍ଥକ। ଏହା ପୂର୍ବରୁ ଆଜି ଖଣ୍ଡଗିରି ଶ୍ରୀବୈକୁଣ୍ଠଧାମ ଆଶ୍ରମ ଭଂଗାଯିବ ବୋଲି ନିଷ୍ପତ୍ତି ନେଇଥିଲା ବିଡିଏ। ସରକାରୀ ଜମିରେ ଆଶ୍ରମ ଗଢି ଉଠିଥିବା ନେଇ ବିବାଦ ସୃଷ୍ଟି ପରେ ଆଶ୍ରମରେ ପହଞ୍ଚି ମାପଚୁପ କରିଥିଲା ବିଡିଏ। ମାପଚୁପରୁ ଆଶ୍ରମ ସରକାରୀ ଜମିରେ ଥିବା ଜଣାପଡିଥିଲା
