ବାହାନଗା ଟ୍ରେନ ଦୁର୍ଘଟଣା: ଚାଲିଛି ମୃତ ଯାତ୍ରୀଙ୍କ ଶବ ଚିହ୍ନଟ ପ୍ରକ୍ରିୟା
1 min read
ବାହାନଗା: ବାହାନଗା ଟ୍ରେନ ଦୁର୍ଘଟଣାରେ ମୃତ ବ୍ୟକ୍ତିଙ୍କ ଶବ ଚିହ୍ନଟ ପ୍ରକ୍ରିୟା ଜୋରସୋରରେ ଚାଲିଛି । ଭୁବନେଶ୍ବରରୁ ଆସିଥିବା ୧୯୩ ମୃତଦେହରୁ ଏବେସୁଦ୍ଧା ୯୬ ମୃତଦେହ ଚିହ୍ନଟ ସହ ପରିବାର ଲୋକଙ୍କୁ ହସ୍ତାନ୍ତର ହୋଇସାରିଛି । ସେଥିରୁ ଏମ୍ସରେ ଥିବା ୧୨୩ ମୃତଦେହରୁ ୭୦ ମୃତଦେହ ପଠାସରିଛି । ସେହିପରି କିମ୍ସରେ ଥିବା ୨୦ ମୃତଦେହରୁ ୭ ମୃତଦେହ ଚିହ୍ନଟ ରହିଛି । ସମ୍ରେ ୨୦ ମୃତଦେହରୁ ୯ ମୃତଦେହ ପରିବାରକୁ ପଠାଯାଇଛି । ଆମ୍ରିରେ ଥିବା ୬ଟି ମୃତଦେହରୁ ୩ଟି ଆଇଡେଣ୍ଟିଫାଏ ସରିଛି।
ସେହିପରି କ୍ୟାପିଟାଲ ହସ୍ପିଟାଲରେ ୫ମୃତଦେହ ପରିବାରକୁ ହସ୍ତାନ୍ତର କରାଯାଇଛି । ହାଇଟେକ୍ ମେଡିକାଲରେ ଥିବା ୧୪ ମୃତଦେହରୁ ୨ଟି ମୃତଦେହ ଚିହ୍ନଟ ପରେ ପରିବାରକୁ ହସ୍ତାନ୍ତର କରାଯାଇଥିବା ବିଏମସି କମିଶନର ବିଜୟ ଅମୃତା କୁଲାଙ୍ଗେ କହିଛନ୍ତି।
ଏହାସହ ଶବ ଚିହ୍ନଟରେ ବିଳମ୍ବ ହେଉଥିବାରୁ ଶବ ସଂରକ୍ଷଣ ପାଇଁ ଏମ୍ସରେ ସମସ୍ତ ପ୍ରକାରର ବୈଜ୍ଞାନିକ ବ୍ୟବସ୍ଥା କରାଯାଇଛି । ମୃତକଙ୍କ ପରିବାରକୁ ଶବ ହସ୍ତାନ୍ତର କ୍ଷେତ୍ରରେ ସମସ୍ତ ସହଯୋଗ ଲାଗି ପଦକ୍ଷେପ ନିଆଯାଇଛି । ସେ ଆହୁରି ମଧ୍ୟ କହିଛନ୍ତି, ଏମ୍ସରେ ୨୪ ଘଣ୍ଟା ଫରେନ୍ସିକ ଲ୍ୟାବ ଖୋଲା ରହୁଛି । ଶବ ଚିହ୍ନଟରେ ଦ୍ବନ୍ଦ୍ବ ହେଲେ ଡିଏନଏ ପରୀକ୍ଷା କରାଯିବ । ରେଲୱେ ପକ୍ଷରୁ ଶବ ଖୋଜା ପାଇଁ ହେଲ୍ପ ଲାଇନ ନମ୍ବର ଜାରି ହୋଇଛି । ତାହାହେଲା- ୮୪୫୫୮୮୫୯୯୯ ଓ ୦୬୭୪- ୨୫୩୪୦୨୭ । ଦୁଇ ଜଣ ଲୋକୋ ପାଇଲଟଙ୍କ ସ୍ବାସ୍ଥ୍ୟାବସ୍ଥା ସ୍ଥିର ଅଛି ବୋଲି ସେ କହିଛନ୍ତି ।
