ଚର୍ଚ୍ଚାରେ ଆତ୍ମଘୋଷିତ ବାବା ବାଗେଶ୍ୱର; ଲୋକଙ୍କୁ ଦେଖି ଅତୀତ ଓ ଭବିଷ୍ୟତ କହିବାପାରୁଥିବା ଦାବି

ଭୋପାଳ: ଚର୍ଚ୍ଚାରେ ଆତ୍ମଘୋଷିତ ବାବା ବାଗେଶ୍ବର ଧାମ ସରକାର । ପ୍ରକୃତ ନାଁ ଧିରେନ୍ଦ୍ର କ୍ରିଷ୍ଣା ଶାସ୍ତ୍ରୀ । ବୟସ ୨୬ ବର୍ଷ । ଲୋକଙ୍କ ଅତୀତ ଓ ଭବିଷ୍ୟତ କହିପାରୁଛନ୍ତି ବୋଲି ଦାବି କରୁଥିବା ବାବା ବାଗେଶ୍ବରଙ୍କୁ ନେଇ ଚର୍ଚ୍ଚା ଜୋର । ଜାତୀୟ ଗଣମାଧ୍ୟମରେ ଇଣ୍ଟଭ୍ୟୁ ଦେଇ ସେ ରାବଣ ସହିତ କଥା ହୋଇଥିବା ଦାବି କରିଛନ୍ତି । ଏହାକୁ ନେଇ ଅନେକ ଲୋକ ତାଙ୍କୁ ଠକ ବାବା କହିଥିବା ବେଳେ ଅନ୍ଧବିଶ୍ବାସୀ ବୋଲି କହିଛନ୍ତି । ବାବା ବାଗେଶ୍ବର ନିଜକୁ ହନୁମାନଙ୍କର ବଡ଼ ଭକ୍ତ ଭଲ କୁହନ୍ତି ।

ନିକଟର ନାଗପୁରରେ ଅନ୍ଧବିଶ୍ବାସୀ ବିରୋଧୀ ଲୋକେ ଏକ ସମ୍ମିଳନୀ କରିଥିବା ବେଳେ ସେଠାରେ ପ୍ରବଳ ବିରୋଧର ଶୀକାର ହୋଇଥିଲେ ବାବା ବାଗେଶ୍ବର । ସେବେଠୁ ସୋସିଆଲ ମିଡିଆରେ ସେ ଚର୍ଚ୍ଚା ରହୁଛନ୍ତି । ତାଙ୍କ ଭାଷଣର ଭିଡିଓ ଏବେ ଭାଇରାଲ ହେଉଛି । ମଧ୍ୟପ୍ରଦେଶର ଛତ୍ରପୁର ବାସିନ୍ଦା ହେଉଛନ୍ତି ବାବା ବାଗେଶ୍ବର । ଦେଶର ବିଭିନ୍ନ ସ୍ଥାନରେ ସେ ସମ୍ମିଳନୀ କରୁଥିବା ବେଳେ ହଜାର ହଜାର ଲୋକ ଯୋଗ ଦେଉଛନ୍ତି ।