ମାନସିକ ବିକାରଗ୍ରସ୍ତଙ୍କ ହୋଇପାରୁନି ଅନଲାଇନ ଭିନ୍ନକ୍ଷମ ସାର୍ଟିଫିକେଟ

ବଡମ୍ବା : ଶିକୁଳିରେ ବନ୍ଧା ଜୀବନ । ଦୀର୍ଘ ବର୍ଷ ଧରି ଶିକୁଳିରେ ବନ୍ଧା ହୋଇ ପଡିଛନ୍ତି ନରସିଂହପୁର ବ୍ଳକ ବନ୍ଧହୁଡା ଗାଁର ୩୭ ବର୍ଷୀୟ ଯୁବକ ବିଭୂତି ଭୂଷଣ ସାହୁ ।  ପୁଅର ଚିକିତ୍ସା ପାଇଁ ଅନେକ ମେଡିକାଲକୁ ନେଇ ବହୁ ଖର୍ଚ୍ଚାନ୍ତ ହେଲେଣି ବାପା ସନାତନ । ହେଲେ କୌଣସି ସୁଫଳ ମିଳି ପାରୁନାହିଁ । ବିଭୂତି ପୂରା ମାନସିକ ବିକାରଗ୍ରସ୍ତ ହୋଇଥିବା ବେଳେ ତାଙ୍କର ଅନଲାଇନ ଭିନ୍ନକ୍ଷମ ସାର୍ଟିଫିକେଟ ହୋଇପାରୁ ନାହିଁ । ଫଳରେ ତାଙ୍କୁ ୩୫ ଶହ ଟଙ୍କା ଭତ୍ତା ମିଳୁନାହିଁ । ସରକାରୀ ସୁବିଧା ଯୋଗାଇ ଦେବାକୁ ସନାତନ ବହୁବାର ସ୍ଥାନୀୟ ପ୍ରଶାସନ ନିକଟରେ ଗୁହାରି କରିଥିଲେ ବି କେହି ଶୁଣୁନଥିବା ଅଭିଯୋଗ ହୋଇଛି । ଚିକିତ୍ସା ନିମନ୍ତେ ସମସ୍ତ ସୁବିଧା ସୁଯୋଗ ଯୋଗାଇ ଦେବାକୁ ସରକାରଙ୍କ ନିକଟରେ ନିବେଦନ କରିଛନ୍ତି ପରିବାର ।