କାଦୁଅରେ ଫସି ପ୍ରାଣ ହରାଇଲା ହାତୀ ଛୁଆ
କଣ୍ଟାବାଞ୍ଜି: ହାତୀ ଛୁଆର ମୃତ୍ୟୁ । ଗତ ଏକ ମାସରୁ ଅଧିକ ହେବ ବଲାଙ୍ଗିର ତୁରେକେଲା ବ୍ଲକ ଅଞ୍ଚଳରେ ହାତୀ ଉପଦ୍ରବ ଲାଗି ରହିଛି । ୩୦ ଟିକିଆ ହାତୀପଲ ବିଭିନ୍ନ ଗାଁରେ ରାତି ସମୟରେ ବ୍ୟାପକ ଫସଲ ନଷ୍ଟ କରୁଛନ୍ତି । ଏହି ହାତୀପଲରେ ୬ ଟି ଶାବକ ଥିବା ବେଳେ ଜଣେ ଶାବକର ମୃତଦେହ ଡୁମେରଚୁଆ ଡ୍ୟାମ କାଦୁଅ ପାଣିରୁ ଉଦ୍ଧାର କରାଯାଇଛି ।
ଗତକାଲି ରାତିରେ ହାତୀପଲ ଡୁମେରଚୁଆ ଗାଁକୁ ପଶି ଆସିଥିବା ବେଳେ ବନ ବିଭାଗ ଘଉଡ଼ାଇଥିଲା । ହାତୀପଲ ଡୁମେରଚୁଆ ଡ୍ୟାମ ପାଖକୁ ଚାଲି ଆସିଥିଲା । ସବୁଠୁ ସାନ ହାତୀ କାଦୁଅରେ ଫସି ଯାଇଥିବା ବେଳେ ତାକୁ ଅନ୍ୟ ହାତୀ ଉଦ୍ଧାର ସମୟରେ ଶାବକର ମୃତ୍ୟୁ ହୋଇଥିବା ବନ ବିଭାଗ ସନ୍ଦେହ କରୁଛି ।
