ଭାଇରାଲ୍ ହେଉଛି ପ୍ରକୃତି ଓ ବାବୁସାନଙ୍କ ଅଡ଼ିଓ, କାହିଁକି ସରି କହିଲେ…

ଭୁବନେଶ୍ୱର: ପ୍ରକୃତି ଓ ବାବୁସାନଙ୍କ ମଧ୍ୟରେ ଥିବା ସମ୍ପର୍କକୁ ନେଇ ବିବାଦ ଥମିବାର ନାଁ ନେଉନି। ଦିନକୁ ଦିନ ଏହି ଘଟଣା ନୂଆମୋଡ଼ ନେବାରେ ଲାଗିଛି । ଏହାମଧ୍ୟରେ ଭାଇରାଲ୍ ହେଉଛି ବାବୁସାନ ଓ ପ୍ରକୃତିଙ୍କ ଅଡ଼ିଓ ବାର୍ତ୍ତାଳାପ। ଯାହାକୁ ନେଇ ସବୁଠି ଚର୍ଚ୍ଚା ।

ତେବେ ଲଗାତାର୍ ୬ଦିନ ହେଲା ଏ ସମ୍ବେଦନଶୀଳ ପ୍ରଶ୍ନର ଉତ୍ତର ଅପେକ୍ଷାରେ ସାରା ଓଡ଼ିଶା । ଏଭଳି ସମୟରେ ପ୍ରକୃତି ଓ ବାବୁସାନଙ୍କ ଏକ ଫୋନ୍ ବାର୍ତ୍ତାଳାପର ଅଡିଓ , ସାରା ରାଜ୍ୟରେ ହଇଚଇ ସୃଷ୍ଟି କରିଛି। ଯାହା ଶୁଣିଲେ ଆପଣ ପତ୍ନୀ ତୃପ୍ତିଙ୍କ ସନ୍ଦେହକୁ ବିଶ୍ବାସ କରିଯିବେ । ପ୍ରେମମ୍ ସିନେମା ନୁହେଁ ପ୍ରକୃତି ଓ ବାବୁସାନଙ୍କ ମଧ୍ୟରେ ଚାଲିଥିଲା ସତସତିକା ପ୍ରେମ । ୨ ମିନିଟ ୫୫ ସେକେଣ୍ଡର ଅଡିଓକୁ ଶୁଣିଲେ ଆମେ ନୁହେଁ ଆପଣ ବି ଏକଥା କହିବେ । ଏ ଦୁହିଁଙ୍କ ଭିତରେ କିଛି ଚାଲିଥିଲା ।

ଅଫ୍ ସ୍କ୍ରିନରେ ଦୁହିଁଙ୍କ ଭିତରେ ଭିନ୍ନ ଏକ ସଂପର୍କ ଗଢି ଉଠିଥିଲା। ହୁଏତ ଏକଥାକୁ ଜାଣି ପାରିଥିଲେ ତୃପ୍ତି। ହୁଏତ ସ୍ବାମୀଙ୍କ ଏଭଳି ପରକୀୟାକୁ ସହି ନପାରି ସେଦିନ ରାସ୍ତା ଉପରେ ଉଭୟଙ୍କୁ ଧରିଥିଲେ। ଅଡିଓରେ ବାବୁସାନଙ୍କ ପାଇଁ ଯନ୍ତ୍ରଣା ପାଉଛନ୍ତି ବୋଲି କହିଛନ୍ତି ପ୍ରକୃତି। ଏଥିପାଇଁ ପ୍ରକୃତିଙ୍କୁ କ୍ଷମା ମାଗୁଛନ୍ତି ବାବୁସାନ୍। ଅଡିଓରେ ପ୍ରକୃତି କେଉଁ କଲର ଶାଢୀ ପିନ୍ଧିବେ ସେକଥା ମଧ୍ୟ ବାବୁସାନ ପଚାରୁଛନ୍ତି  । ଶେଷରେ ଉଭୟ ପରସ୍ପରଙ୍କୁ ଲଭ ୟୁ ବୋଲି କହୁଛନ୍ତି  । ଏଥିରୁ ପ୍ରମାଣ ମିଳୁଛି ବାବୁ ଓ ପ୍ରକୃତିଙ୍କ ମଧ୍ୟରେ କେତେ ନୀବିଡ଼ ରହିଛି ସମ୍ପର୍କ।