ବାବୁସାନ-ତୃପ୍ତି-ପ୍ରକୃତି ବିବାଦରେ ନୂଆ ମୋଡ଼: ହାଇକୋର୍ଟଙ୍କ ଦ୍ୱାରସ୍ଥ ହେଲେ ପ୍ରକୃତି
କଟକ: ବାବୁସାନ ଓ ପ୍ରକୃତି ବିବାଦରେ ନୂଆ ମୋଡ଼ । ହାଇକୋର୍ଟଙ୍କ ଦ୍ବାରସ୍ଥ ହେଲେ ଅଭିନେତ୍ରୀ ପ୍ରକୃତି ମିଶ୍ର । ବାବୁସାନଙ୍କ ପତ୍ନୀ ତୃପ୍ତି ଶତପଥୀ ଓ ତାଙ୍କ ବାପାଙ୍କ ବିରୋଧରେ ପ୍ରକୃତି ଖାରବେଳ ନଗର ଥାନାରେ ଅଭିଯୋଗ କରିଥିଲେ । ଏହି ଘଟଣାରେ ପୋଲିସ ଏ ପର୍ଯ୍ୟନ୍ତ କୌଣସି କାର୍ଯ୍ୟାନୁଷ୍ଠାନ ନେଉନଥିବା ଅଭିଯୋଗ କରି ହାଇକୋର୍ଟଙ୍କ ଦ୍ବାରସ୍ଥ ହୋଇଛନ୍ତି ପ୍ରକୃତି ।
ଗତ ଜୁଲାଇ ୨୩ ତାରିଖରେ ପ୍ରକୃତି ଦେଇଥିଲେ ଏତଲା । ସତ୍ୟନଗରର ଏକ ଗଳିରେ ଗାଡି ଭିତରେ ବାବୁସାନଙ୍କ ସହ ପ୍ରକୃତି ମିଶ୍ର ବସିଥିବା ବେଳେ ତୃପ୍ତି ତାଙ୍କୁ ଆକ୍ରମଣ କରିଥିଲେ । ଖୁବ ଗାଳିଗୁଲଜ କରିବା ସହିତ ପ୍ରକୃତିଙ୍କୁ ଟଣାଓଟରା କରିଥିଲେ । ଏଥିରେ ଅପମାନିତ ହୋଇ ପ୍ରକୃତି ଥାନାରେ ଏତଲା ଦେଇଥିଲେ । ଏହି ଘଟଣାରେ ସ୍ବତନ୍ତ୍ର ତଦନ୍ତକାରୀ ସଂସ୍ଥା ଯାଞ୍ଚ କରୁ ବୋଲି କୋର୍ଟରେ ପ୍ରାର୍ଥନା କରିଛନ୍ତି ପ୍ରକୃତି ।
