ବିଜେପିରୁ ସମ୍ପୂର୍ଣ୍ଣ ଦୂରେଇଲେ ସାଂସଦ ବାବୁଲ ସୁପ୍ରିୟୋ; ବାଚସ୍ପତିଙ୍କୁ ଦେଲେ ଇସ୍ତଫା

ନୂଆଦିଲ୍ଲୀ: ବିଜେପିରୁ ସମ୍ପୂର୍ଣ୍ଣ ଭାବେ ସମ୍ପର୍କ ତୁଟାଇଲେ ପୂର୍ବତନ କେନ୍ଦ୍ରମନ୍ତ୍ରୀ ତଥା ସାଂସଦ ବାବୁଲ ସୁପ୍ରିୟୋ । ଆଜି ଲୋକସଭା ବାଚସ୍ପତି ଓମ ବିର୍ଲାଙ୍କୁ ଭେଟି ସାଂସଦ ପଦରୁ ଇସ୍ତଫା ଦେଇଛନ୍ତି ।

ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ପ୍ରଶଂସା କରିଥିଲେ ବାବୁଲ । କହିଥିଲେ, ମୋର ରାଜନୈତିକ ଜୀବନ ମୁଁ ବିଜେପି ରୁ ହିଁ ଆରମ୍ଭ କରିଛି । ମୋତ ସୁଯୋଗ ଦେଇଥିବାରୁ ମୁଁ ମୋଦି, ଶାହା ଓ ରାଜନାଥ ସିଂଙ୍କ ନିକଟରେ କୃତଜ୍ଞ ଅଟେ । ହେଲେ ଏବେ ବିଜେପିରେ ଆଉ ମନ ମାନିଲାନି , ସେଠି ମୋର କୌଣସି ଆବଶ୍ୟକତା ମୁଁ ଅନୁଭବ କଲିନି, ଏଣୁ ମୁଁ ବିଜେପି ଛାଡି ଟିଏମସିରେ ସାମିଲ ହେଲି ବୋଲି କହିଛନ୍ତି ବାବୁଲ । କିଛି ଦିନ ପୂର୍ବରୁ ବିଜେପି ଛାଡି ଟିଏମସିରେ ସାମିଲ ହୋଇଥିଲେ ବାବୁଲ ସୁପ୍ରିୟୋ।