ବାବା ସିଦ୍ଦିକୀ ହତ୍ଯାକାରୀ ଗିରଫ
ନନ୍ଦିଘୋଷ ବ୍ୟୁରୋ : ମହାରାଷ୍ଟ୍ରର ପୂର୍ବତନ ମନ୍ତ୍ରୀ ତଥା ଏନସିପି ନେତା ବାବା ସିଦ୍ଦିକି ହତ୍ୟା ମାମଲାରେ ମୁମ୍ବାଇ ପୋଲିସକୁ ବଡ଼ ସଫଳତା ମିଳିଛି । ବାବା ସିଦ୍ଦିକିଙ୍କୁ ଗୁଳି କରିଥିବା ବ୍ୟକ୍ତିକୁ ପୋଲିସ୍ ଆଜି ଗିରଫ କରିଛି। ୟୁପି ଏସଟିଏଫ ଏବଂ ମୁମ୍ବାଇ କ୍ରାଇମ ବ୍ରାଞ୍ଚର ମିଳିତ ଉଦ୍ୟମରେ ଅଭିଯୁକ୍ତକୁ ଗିରଫ କରାଯାଇଛି। ଅକ୍ଟୋବର ୧୨ରେ ସିଦ୍ଦିକିଙ୍କୁ ମୁମ୍ବାଇରେ ଥିବା ତାଙ୍କ ପୁଅଙ୍କ ଅଫିସ ସାମ୍ନାରେ ଗୁଳି କରି ହତ୍ୟା କରାଯାଇଥିଲା।
ଘଟଣା ଦିନ ତାଙ୍କୁ ଗୁଳି କରି ଫେରାର ହୋଇଥିବା ବ୍ୟକ୍ତିକୁ ଆଜି ଉତ୍ତର ପ୍ରଦେଶରୁ ଗିରଫ କରାଯାଇଛି। ସେ ନେପାଳ ଖସି ଯିବାକୁ ଚେଷ୍ଟା କରୁଥିବା ବେଳେ ପୁଲିସ୍ ହାତରେ ଧରାପଡ଼ିଛି।
ଗିରଫ ହୋଇଥିବା ବ୍ୟକ୍ତି ଜଣକ ହେଲା ଶିବ କୁମାର। ତେବେ ଶିବଙ୍କ ସହ ଆଉ ୪ ଜମହ୍କୁ ଗିରଫ କରିଛି ପୋଲିସ । ଶିବଙ୍କୁ ଆଶ୍ରୟ ଦେବା ଏବଂ ନେପାଳକୁ ପଳାଇବାରେ ସାହାଯ୍ୟ କରିବା ଅଭିଯୋଗରେ ଅନୁରାଗ କଶ୍ୟପ, ଜୟନ ପ୍ରକାଶ ତ୍ରିପାଠୀ, ଆକାଶ ଶ୍ରୀବାସ୍ତବ ଏବଂ ଅଖିଳେଶ ପ୍ରତାପ ସିଂଙ୍କୁ ପୋଲିସ ଗିରଫ କରିଛି । ଅଭିଯୁକ୍ତଙ୍କ ଠାରୁ ମୋବାଇଲ ଫୋନ, ବ୍ୟାଗ୍ ଇତ୍ୟାଦି ଜିନିଷ ଜବତ କରିଛି ।
