ବାବା ସିଦ୍ଦିକୀ ହତ୍ୟା ମାମଲା, ଆଜି ସରିବ ଅଭିଯୁକ୍ତ ୫ଜଣଙ୍କ ପୋଲିସ ରିମାଣ୍ଡ

ମୁମ୍ୱାଇ: ଏନସିପି ନେତା ବାବା ସିଦ୍ଦିକୀ ହତ୍ୟା ମାମଲା । ଆଜି ସରିବ ଅଭିଯୁକ୍ତ ୫ଜଣଙ୍କ ପୋଲିସ ରିମାଣ୍ଡ । ସିଦ୍ଦିକୀ ହତ୍ୟା ମାମଲାରେ ୫ ଜଣଙ୍କୁ ଗିରଫ କରିଥିଲା ମୁମ୍ବାଇ ପୋଲିସ । ବର୍ତ୍ତମାନ ସୁଦ୍ଧା ଆହୁରି ଜଣେ ଅଭିଯୁକ୍ତର ସନ୍ଧାନ ମିଳି ନଥିବାବେଳେ ତାଙ୍କ ସମ୍ପର୍କରେ ସୂଚନା ପାଇବା ଲାଗି ଏହି ୫ଜଣଙ୍କୁ ପୋଲିସ ଜେରା କରିଥିବା ସୂଚନା ମିଳିଛି ।

ଏହି ୫ ଅଭିଯୁକ୍ତ ହେଲେ ଫେରାର ଅଭିଯୁକ୍ତ ଶୁବମନ ଲୋନକରର ଭାଇ ପ୍ରବୀଣ ଲୋନକର, ଭଗବତ ସିଂ, ଆକାଶଦୀପ ସିଂ, ସଲମାନ ଭୋରା ଓ ସୁମିତ ସିଂ । ଏହି ସମସ୍ତ ଅଭିଯୁକ୍ତ ବର୍ତ୍ତମାନ ବିଚାର ବିଭାଗୀୟ ହେପାଜତରେ ଅଛନ୍ତି । ସିଦ୍ଦିକୀ ହତ୍ୟା ମାମଲାରେ ବର୍ତ୍ତମାନ ସୁଦ୍ଧା ମୋଟ ୨୬ ଜଣ ଗିରଫ ହୋଇଛନ୍ତି । ଅଭିଯୁକ୍ତଙ୍କ ମଧ୍ୟରେ ଅଛନ୍ତି ମୁଖ୍ୟ ଶୁଟର ଶିବକୁମାର ଗୌତମ । ଗତ ଅକ୍ଟୋବର ୧୨ ତାରିଖରେ ମୁମ୍ବାଇ ବାନ୍ଦ୍ରାରେ ସିଦ୍ଦିକୀଙ୍କୁ ଗୁଳି କରି କରାଯାଇଥିଲା ହତ୍ୟା।