ବିବାଦୀୟ ମନ୍ତବ୍ୟରୁ ଓହରିଲେ ଯୋଗଗୁରୁ ବାବା ରାମଦେବ: କହିଲେ, ବିବୃତ୍ତି ପାଇଁ ଅନୁତପ୍ତ

ନୂଆଦିଲ୍ଲୀ: ବିବାଦୀୟ ମନ୍ତବ୍ୟରୁ ଓହରିଲେ ଯୋଗଗୁରୁ ବାବା ରାମଦେବ । ଆଧୁନିକ ଚିକିତ୍ସା ପଦ୍ଧତିକୁ ନେଇ ଦେଇଥିବା ବିବାଦୀୟ ମନ୍ତବ୍ୟକୁ ରାମଦେବ ପ୍ରତ୍ୟାହାର କରିନେଇଛନ୍ତି। କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟର ଚିଠି ପରେ ବିବାଦୀୟ ବିବୃତ୍ତି ପ୍ରତ୍ୟାହାର କରିଛନ୍ତି ବାବା । ଏ ନେଇ ସେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଡା. ହର୍ଷବର୍ଦ୍ଧନଙ୍କୁ ଟ୍ୱିଟ୍ କରି କହିଛନ୍ତି, ଏଲୋପାଥୀକୁ ନେଇ ଦେଇଥିବା ବିବୃତ୍ତିକୁ ମୁଁ ପ୍ରତ୍ୟାହାର କରୁଛି । ଦେଇଥିବା ବିବୃତ୍ତି ପାଇଁ ମୁଁ ଅନୁତପ୍ତ ବୋଲି ରାମଦେବ ଟ୍ୱିଟ୍ କରିଛନ୍ତି । ଏଲୋପାଥୀ ଚିକିତ୍ସାକୁ ଏକ ଦେବାଳିଆ ସାଇନ୍ସ ବୋଲି କହିଥିଲେ ରାମଦେବ । ଏଲୋପାଥି ଖାଇ ଲକ୍ଷାଧିକ ଲୋକଙ୍କ ମୃତ୍ୟୁ ହୋଇଛି । ରେମଡିସିଭିର ଓ ଫାଭି ଫ୍ଲୁ ଭଳି ଔଷଧକୁ ମଧ୍ୟ ରାମଦେବ ନିନ୍ଦା କରିଥିଲେ । ଏହାକୁ ନେଇ ରାମଦେବଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଆଇଏମଏ ଦାବି କରିଥିବା ବେଳେ ମନ୍ତବ୍ୟ ପ୍ରତ୍ୟାହାର କରିବାକୁ ଚିଠି ଲେଖିଥିଲା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ।

माननीय श्री @drharshvardhan जी आपका पत्र प्राप्त हुआ,
उसके संदर्भ में चिकित्सा पद्दतियों के संघर्ष के इस पूरे विवाद को खेदपूर्वक विराम देते हुए मैं अपना वक्तव्य वापिस लेता हूँ और यह पत्र आपको संप्रेषित कर रहा हूं- pic.twitter.com/jEAr59VtEe

— स्वामी रामदेव (@yogrishiramdev) May 23, 2021

ଏଥିସହିତ ପଢ଼ନ୍ତୁ: ଟୁଲକିଟ୍ ମାମଲାରେ ଆକ୍ସନ୍, ବିଜେପି ପ୍ରବକ୍ତା ସମ୍ବିତ ପାତ୍ରଙ୍କୁ ପୋଲିସର ନୋଟିସ୍