ମହାକୁମ୍ଭ ମେଳାରେ ୟୁଟ୍ୟୁବରଙ୍କୁ ବାବାଙ୍କ ଚିମୁଟା ପ୍ରହାର, ଭିଡିଓ ଭାଇରାଲ …

ଉତ୍ତରପ୍ରଦେଶ: ମହଙ୍ଗା ପଡିଲା ବାବାଙ୍କୁ ପ୍ରଶ୍ନ କରିବା । ପ୍ରଶ୍ନ ନସରୁଣୁ ପଡିଲା ଚିମୁଟା ପାହାର । ଆଜ୍ଞା ହଁ ଏମିତି ଦୃଶ୍ୟ ଦେଖିବାକୁ ମିଳିଛି ପ୍ରୟାଗରାଜର ମହାକୁମ୍ଭ ମେଳାରେ । ଆଜିଠୁ ଆରମ୍ଭ ହୋଇଯାଇଥିବା ମହାକୁମ୍ଭ ମେଳାରେ ସାଧୁସନ୍ଥଙ୍କ ସହିତ ଶ୍ରଦ୍ଧାଳୁଙ୍କ ଭିଡ ଜମିଛି । ମହାକୁମ୍ଭ ମେଳାରେ ବିଭିନ୍ନ ସାଧୁ ସନ୍ଥ ମାନେ ଆସିଥାଆନ୍ତି । ନିଜ ନିଜର ଅଦ୍ଭୁତ ପ୍ରତିଭା ଦେଖାଇ ଲୋକମାନଙ୍କର ଧ୍ୟାନ ଆକର୍ଷିତ କରିଥାଆନ୍ତି । ସେଥିପାଇଁ ସେମାନଙ୍କ ଚାରିପାଖରେ ୟୁଟ୍ୟୁବର ମାନଙ୍କ ଭିଡ ଲାଗିଥାଏ  । ତେବେ ଏହାରି ଭିତରେ ମହାକୁମ୍ଭ ମେଳାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଜଣେ ଭକ୍ତଙ୍କୁ ବାବାଙ୍କ ଚିମୁଟା ପ୍ରହାର ପଡିବାର ଭିଡିଓରେ ଦେଖିବାକୁ ମିଳିଛି । ୟୁଟ୍ୟୁବର ଜଣଙ୍କ ବାବାଙ୍କୁ କିଛି ପ୍ରଶ୍ନ କରିବା ଭିତରେ ବାବା ଜଣଙ୍କ ଅତ୍ୟନ୍ତ କ୍ରୋଧିତ ହୋଇ ଭକ୍ତଙ୍କୁ ଚିମୁଟାରେ ପ୍ରହାର କରିଛନ୍ତି  ।

ବାବା ଏପରି କାହିଁକି କରିଲେ ତାହା ପରେ ଜାଣିବା … କିନ୍ତୁ ଏହା ପୂର୍ବରୁ ଭାଇରାଲ ହେଉଥିବା ଭିଡିଓ ଉପରେ ଟିକେ ନଜର ପକାନ୍ତୁ ..

https://x.com/sureshsinghj/status/1878457203708813728

ମହାକୁମ୍ଭ ମେଳାରେ ସାଧୁସନ୍ଥ ମାନଙ୍କର ଭିଡ ଲାଗିଥିବା ବେଳେ ୟୁଟ୍ୟୁବର ମାନେ ସେମାନଙ୍କ ବିଷୟରେ ଜାଣିବା ପାଇଁ ଉତ୍ସାହିତ ହେଉଛନ୍ତି । ତେବେ ଏହି ୟୁଟ୍ୟୁବର ଭାଇ ଜଣକ ବାବାଙ୍କୁ ବିଭିନ୍ନ ପ୍ରଶ୍ନ ପଚାରୁଥିଲେ । ଏହାରି ଭିତରେ ବାବାଙ୍କୁ ୟୁଟ୍ୟୁବରଙ୍କର କିଛି ପ୍ରଶ୍ନ ପସନ୍ଦ ଆସିନଥିଲା । ଯେଉଁଥିପାଇଁ ବାବା ଜଣକ ଉତ୍ତ୍ୟକ୍ତ ହୋଇ ୟୁଟ୍ୟୁବରଙ୍କୁ ଚିମୁଟାରେ ପିଟିବାକୁ ଲାଗିଥିଲେ । ତାପରେ କ’ଣ ୟୁଟ୍ୟୁବର ଜଣକ ଭୟରେ ସେଠାରୁ ଦୌଡି ପଳାଇ ଆସିଲେ ।

ଭାଇରାଲ ଭିଡିଓରେ ଦେଖିବାକୁ ମିଳୁଛି କି ୟୁଟ୍ୟୁବର ଜଣକ ବାବାଙ୍କୁ ପ୍ରଶ୍ନ କରିଛନ୍ତି କି , ମହାକୁମ୍ଭ ମେଳାରେ ତାଙ୍କୁ କେମିତି ଲାଗୁଛି ? ସେଠାରେ ବସି ସେ କେଉଁ ଭଜନ କରୁଛନ୍ତି ଏବଂ ଆମକୁ ସେହି ଭଜନ ଟିକେ ଶୁଣାନ୍ତୁ । ଯାହାପରେ ବାବା ହଠାତ କ୍ରୋଧିତ ହୋଇ ୟୁଟ୍ୟୁବରଙ୍କୁ ଗାଳି କରି କହୁଛନ୍ତି ଏଠି କଣ ତମାଶା ହେଉଛି ଆଉ ମୁଁ ତମାଶା ଦେଖାଇବି । ପରେ ବାବା ଚିମୁଟାରେ ପ୍ରହାର କରିଛନ୍ତି । ସୋସିଆଲ ମିଡିଆରେ ଏହି ଭିଡିଓରେ ବହୁ କମେଣ୍ଟସ ଆସୁଛି  । ବର୍ତ୍ତମାନସୁଦ୍ଧା ଏହି ଭିଡିଓଟିକୁ ପ୍ରାୟ ୯୭ହଜାରରୁ ଉର୍ଦ୍ଧ ଲୋକ ଦେଖିସାରିଲଣି ।