ଆନ୍ଦୋଳନରୁ ହଟିଲେ ଆୟୁଷ ଡାକ୍ତର, ମିଳିବ ସ୍ଥାୟୀ ନିଯୁକ୍ତି

ପୁରୀ: ଓଡ଼ିଶା ଆୟୁଷ ଡାକ୍ତରଙ୍କୁ ମିଳିବ ସ୍ଥାୟୀ ନିଯୁକ୍ତି । ଏହି ପ୍ରତିଶ୍ରୁତି ପରେ ଆନ୍ଦୋଳନରୁ ହଟିଛନ୍ତି ଆୟୁଷ ଡାକ୍ତର । ଓଡ଼ିଶାରେ ଏବେ ୧୧ ଶହ ୫୦ ଜଣ ଆୟୁଷ ଡାକ୍ତର କାର୍ଯ୍ୟରତ ଅଛନ୍ତି । କୋଭିଡ୍ ଭଳି ଜରୁରୀକାଳୀନ ସମୟରେ ଏମାନେ ନିଜ ଦାୟିତ୍ୱ ସୂଚାରୁରୂପେ ନିର୍ବାହ କରିଛନ୍ତି । ସେମାନଙ୍କୁ ସ୍ଥାୟୀ କରିବା ଦାବିରେ ଅକ୍ଟୋବର ୨ ତାରିଖରୁ ଅସହଯୋଗ ଆନ୍ଦୋଳନ ଆରମ୍ଭ କରିଥିଲା ଅଲ୍ ଓଡ଼ିଶା ଆୟୁଷ ଡାକ୍ତର ସଂଘ ।

ତେବେ ଗତ ଦୁଇଦିନ ତଳେ ସରକାର ସ୍ଥାୟୀ ନିଯୁକ୍ତି ପାଇଁ ପ୍ରତିଶ୍ରୁତି ଦେବା ପରେ ଏବେ ଆନ୍ଦୋଳନରୁ ଓହରିଛି ସଂଘ । ଏନେଇ ସଂଘ ପକ୍ଷରୁ ମୁଖ୍ୟମନ୍ତ୍ରୀ ଓ ସ୍ୱାସ୍ଥ୍ୟମନ୍ତ୍ରୀଙ୍କୁ ଧନ୍ୟବାଦ ଦିଆଯାଇଛି । ରାଜ୍ୟର ବିଭିନ୍ନ ସିଏଚସି ଓ ପିଏଚସିରେ ଆୟୁଷ ଡାକ୍ତର କାର୍ଯ୍ୟରତ ଅଛନ୍ତିଷ