ସୁଶାନ୍ତଙ୍କ ମୃତ୍ୟୁ ପରେ ଆୟଶା ଟାକିଆ ଖୋଲିଲେ ବଲିଉଡର ରାଜ

ମୁମ୍ବାଇ: ବଲିଉଡ ଅଭିନେତା ସୁଶାନ୍ତଙ୍କ ଆତ୍ମହତ୍ୟା ପରେ ବି-ଟାଉନ୍ ର ଅନେକ କଳାକାର ଇଣ୍ଡଷ୍ଟ୍ରିର ବୁଲିଂ ଓ ଟାର୍ଗେଟକୁ ନେଇ ନିଜନିଜ ମତ ପ୍ରକାଶ କରିଛନ୍ତି । ନିକଟରେ ଅଭିନେତ୍ରୀ ଆୟଶା ଟାକିଆ ମଧ୍ୟ ବଲିଉଡରେ ବୁଲିଂ(ପରିହାସ) କରାଯାଉଥିବା ନେଇ ନିଜର ଅନୁଭବ ସେୟାର କରିଛନ୍ତି ।

ଆୟଶା ଇନଷ୍ଟାଗ୍ରାମରେ ଏକ ପୋଷ୍ଟ କରିଛନ୍ତି । ଆୟଶା ଲେଖିଛନ୍ତି ଯେ, ତାଙ୍କର କାମ ବଦଳରେ ଟ୍ରୋଲିଂ  ଏବଂ ବୁଲିଂର  ଅନୁଭୂତି ଅଛି … ସେ ଏହି ବିଷୟରେ ଖୋଲାଖୋଲି ମତ ପ୍ରକାଶ କରିଛନ୍ତି । ଆୟଶାଙ୍କ କହିବା ଅନୁସାରେ ଯେତେବେଳେ ଜଣେ ଅନ୍ୟଜଣଙ୍କୁ ଅପମାନିତ କରେ ସେତେବେଳେ ଏହାକୁ ବିରୋଧ କରିବା ଜରୁରୀ । ନିଜ ଆତ୍ମବିଶ୍ୱାସ କେବେ କାହା ପାଇଁ ହାରିବା ଅନୁଚିତ୍ । ସବୁବେଳେ ନିଜକୁ ଉଜ୍ଜ୍ୱଳ ଏବଂ ଭିନ୍ନ ଭାବିବା ଉଚିତ୍ । କେବେ କିଏ ଅପମାନ କରିବା ସମୟରେ ତାଙ୍କୁ ଜିତିବାକୁ ଦେବା ହିଁ ସବୁଠାରୁ ବଡ ଭୁଲ ।

ଏହା ସହ ସେ ଲେଖିଛନ୍ତି ଯେ, ” କୌଣସି ନିବିଡ଼ ବନ୍ଧୁ ସହ ନିଜ ଭାବନା ସେୟାର କରିବା ଜରୁରୀ । ନିଜ କଥାବାର୍ତ୍ତା, ଦୁଃଖସୁଖ ଜଣଙ୍କୁ ଜଣାଇବା ଆବଶ୍ୟକ । ଯେତେବେଳେ ଏକା ଅନୁଭବ ହୁଏ ସେତେବେଳେ କେହି ନଥିଲେ ନିଜ ଡାଏରୀରେ ପ୍ରତ୍ୟେକ କଥା ଲେଖିବା କିମ୍ବା ଅନଲାଇନରେ କାହା ସହିତ କଥାବାର୍ତ୍ତା କରିବା ଉଚିତ୍ । କେବେ ବି କୌଣସି ଅପମାନ ସହିବା ଅନୁଚିତ୍ ଏସବୁ କହିବା ସହଜ, କିନ୍ତୁ ଏହା କରିବାକୁ ପଡିବ, କାହା ପାଇଁ ନହେଲେ ମଧ୍ୟ ନିଜ ପାଇଁ ଏହା କରିବା ଆବଶ୍ୟକ ।

https://www.instagram.com/p/CBfgXCpDIid/?utm_source=ig_embed

ପରବର୍ତ୍ତୀ ପିଢି ପାଇଁ ଏହି ପୃଥିବୀକୁ ଏକ ଉନ୍ନତ ସ୍ଥାନ କରିବାକୁ ପଡିବ । ଫଳରେ ସମସ୍ତଙ୍କ ମଧ୍ୟରେ ପ୍ରେମର ସମ୍ପର୍କ ରହିବ । ସବୁ ମଣିଷମାନଙ୍କୁ ପରସ୍ପର ସହ ଭଲ ବ୍ୟବହାର କରିବା ଜରୁରୀ କାରଣ କିଏ କେତେବେଳେ କଠିନ ସମୟ ଦେଇ ଗତି କରୁଛି, ତାହା କେହି ଜାଣିନଥାନ୍ତି । ଶେଷ ଥର ପାଇଁ ଆୟଶା ଟାକିଆ ସଲମାନ ଖାନଙ୍କ ସହ ଫିଲ୍ମ ୱାଣ୍ଟେଡରେ ନଜର ଆସିଥିଲେ । ଏହି ଫିଲ୍ମ ପରେ ଆୟଶାଙ୍କୁ ଅନେକ ଲୋକପ୍ରିୟତା ମିଳିଥିଲା । କିନ୍ତୁ ଏହି ଚଳଚ୍ଚିତ୍ର ପରେ ସେ ଅନ୍ୟ କୌଣସି ଫିଲ୍ମରେ ନଜର ଆସିନଥିଲେ ।