କିଏ ଏହି ଅବିନାଶ ପାଣ୍ଡେ ? ଉତ୍ତରପ୍ରଦେଶ କଂଗ୍ରେସର ନୂଆ ପ୍ରଭାରୀ, ନେବେ ପ୍ରିୟଙ୍କାଙ୍କ ସ୍ଥାନ

ଲକ୍ଷ୍ନୌ: ୨୦୨୪ ଲୋକସଭା ନିର୍ବାଚନ ପୂର୍ବରୁ କଂଗ୍ରେସ ଉତ୍ତରପ୍ରଦେଶରେ ଅବିନାଶ ପାଣ୍ଡେଙ୍କୁ ନୂଆ ପ୍ରଭାରୀ ଭାବେ ନିଯୁକ୍ତି ଦେଇଛି । ନୂଆ ଦାୟିତ୍ବ ପାଇବା ପରେ ଅବିନାଶ ସୋସିଆଲ ମିଡିଆ ଏକ୍ସରେ ଏକ ପୋଷ୍ଟ କରିଛନ୍ତି । ଏଥିରେ ସେ ଉଲ୍ଲେଖ କରିଛନ୍ତି, ‘ପ୍ରିୟଙ୍କା ଗାନ୍ଧିଙ୍କ ଉତ୍ତରାଧିକାରୀ ଭାବେ ଉତ୍ତରପ୍ରଦେଶକୁ ଆକଗୁ ନେବାକୁ ଶପଥ ନେଉଛି । ମୋତେ ଦିଆଯାଇଥିବା ଦାୟିତ୍ବକୁ ନିଷ୍ଠାର ସହ ସମ୍ପାଦନ କରିବି ।

ତେବେ କିଏ ଏହି ଅବିନାଶ ପାଣ୍ଡେ । ପ୍ରିୟଙ୍କାଙ୍କ ବଦଳରେ ଉତ୍ତରପ୍ରଦେଶ ପରି ରାଜ୍ୟର ପ୍ରଭାରୀ କାହିଁକି କରାଗଲା । ସୂଚନାଯୋଗ୍ୟ, ଅବିନାଶ କଂଗ୍ରେସ ପୂର୍ବତନ ରାଜ୍ୟସଭା ସାଂସଦ । ଉତ୍ତରପ୍ରଦେଶ ପ୍ରଭାରୀ ହେବା ପୂର୍ବରୁ ଝାଡଖଣ୍ଡ ପ୍ରଭାରୀ ଥିଲେ । ସେ କଂଗ୍ରେସ କାର୍ଯ୍ୟକାରୀ କମିଟିର ବି ସଦସ୍ୟ ଅଛନ୍ତି । ମହାରାଷ୍ଟ୍ର ନାଗପୁର ବାସିନ୍ଦା ପେଶାରେ ଓକିଲ । ଦଳର ଯୁବ ସଙ୍ଗଠନ ଏନଏସୟୁଆି ଓ ୟୁଥ କଂଗ୍ରେସର ବିଭିନ୍ନ ପଦରେ କାମ କରି ଜାତୀୟ ସ୍ତର ପର୍ଯ୍ୟନ୍ତ ପହଞ୍ଚିଛନ୍ତି ।

ରାଜନୈତିକ ଜୀବନରେ ଜାତୀୟ ଓ ରାଜ୍ୟ ସ୍ତରରେ ଦଳର ବିଭିନ୍ନ ପଦପଦବୀ ସମ୍ଭାଳିଛନ୍ତି । ୨୦୧୦ରେ ମହାରାଷ୍ଟ୍ରରୁ ରାଜ୍ୟସଭାକୁ ମନୋନିତ ହୋଇଥିଲେ । ୨୦୧୮ ରାଜସ୍ଥାନ ନିର୍ବାଚନ ପୂର୍ବରୁ ତାଙ୍କୁ ରାଜ୍ୟ ପ୍ରଭାରୀ କରାଯାଇଥିଲା । ୨୦୨୨ରେ ତାଙ୍କୁ ଝାରଖର୍ଡ ପ୍ରଭାରୀ ଏଆଇସିସି ମହାସଚିବ ଭାବେ ନିଯୁକ୍ତି ଦିଆଯାଇଥିଲା ।

ଅବିନାଶ ଜଣେ ଯୁବ ବ୍ରାହ୍ମଣ ଚେହେରା । ରାହୁଲ ଗାନ୍ଧିଙ୍କ ସେ ଜଣେ ବଡ଼ ସମର୍ଥକ ଭାବେ ଜଣାଶୁଣା ।