ଫୋନରୁ ତୁରନ୍ତ ହଟାଇ ନିଅନ୍ତୁ ଏହି ୭ଟି ଆପ୍ସ, ଖାଲି ହୋଇ ଯାଇପାରେ ଆକାଉଣ୍ଟ

ଏଣ୍ଡ୍ରୟଡ୍ ସ୍ମାର୍ଟଫୋନ୍ ବ୍ୟବହାର କରୁଛନ୍ତି, ଆଉ ଯଦି ଗେମରେ ଆପଣଙ୍କ ସଉକ ରହିଛି ତ ଏହି ଖବର ଆପଣଙ୍କ ଲାଗି । ସ୍ମାର୍ଟଫୋନ୍ ଜମାନାରେ ଛୁଆଙ୍କ ଠାରୁ ଯୁବକ ଏବେ ସମସ୍ତଙ୍କ ପସନ୍ଦ ମୋବାଇଲ୍ ଗେମିଂ । ଯଦି ଆପଣ ଗେମ୍ ମାୟାରେ ପଡ଼ିଛନ୍ତି, ତାହାଲେ ଆପଣଙ୍କୁ ମୋବାଇଲରୁ କିଛି ଆପ୍ଲିକେସନକୁ ହଟାଇବାକୁ ପଡ଼ିବ । ଗୁଗଲ ପ୍ଲେ ଷ୍ଟୋରରୁ ଏଭଳି କିଛି କ୍ଷତିକାରକ ଆପ୍ସ ମିଳିଛି ଯାହା ଆପଣଙ୍କ ଗୋପନୀୟତାକୁ କ୍ଷତି ପହଞ୍ଚାଇବା ସହ ଫ୍ରଡ୍ କରୁଛନ୍ତି ।

ଡିଜିଟାଲ ସିକ୍ୟୁରିଟି ଫର୍ମ Avast, ଗୁଗୁଲ୍ ପ୍ଲେ ଷ୍ଟୋରରେ ଏମିତି କିଛି ଆପକୁ ଖୋଜି ପାଇଛି । ଯେଉଁ ଆପ୍ ଗେମର୍ସଙ୍କୁ ଟାର୍ଗେଟ୍ କରେ । ବିଶେଷ କରି ଲୋକପ୍ରିୟ ଭିଡିଓ ଗେମ୍ Minecraft ବ୍ୟବହାରକାରୀଙ୍କୁ ଏହାଦ୍ୱାରା ଟାର୍ଗେଟ୍ କରାଯାଉଛି । Avast ଅନୁସାରେ Fleeceware ଆପ୍ସ ବ୍ୟବହାରକାରୀଙ୍କ ଟଙ୍କା ଚୋରାଇ ନେଉଛି । ବ୍ୟବହାରକୀରଙ୍କ ମୋବାଇଲରେ ନୂଆ ସ୍କିନ୍ସ, ୱାଲପେପର ଓ ଗେମ୍ ମୋଡିଫିକେସନ ଜରିଆରେ ଟଙ୍କା ଗାଏବ କରୁଛି ।

ଏହି ସିକ୍ୟୁରିଟି ଫର୍ମ କହିଛି- ଏହିଭଳି ୭ଟି ଆପ୍ଲିକେସନ୍ ଗୁଗଲ୍ ପ୍ଲେ ଷ୍ଟୋରରେ ରହିଛି ଓ ଏହା Fleecware ଆପ୍ ଅଟେ । ଏହି ଶ୍ରେଣୀର ଆପର ମାଗଣା ଟ୍ରାଏଲ୍ ବେଳେ ତିନିଦିନର ଆକର୍ଷଣୀୟ ଅଫର ଦିଅନ୍ତି । ପୁଣି ସପ୍ତାହକୁ ଆକାଉଣ୍ଟରୁ ୩୦ ଡଲାର କାଟି ନିଅନ୍ତି । ଏହି ଆପକୁ ଏମିତି ଫ୍ରଡ୍ ଡିଜାଇନ୍ କରନ୍ତି । ଯେମିତି ବ୍ୟବହାରକାରୀଙ୍କୁ ଏହାର ସବସ୍କ୍ରିପସନ୍ ଚାର୍ଜ ଜଣାପଡ଼ିବ ନାହିଁ । ଏବଂ ଆପର ଟ୍ରାଏଲ୍ ନେବା ପରେ ଆପଣ ଭୁଲିଯିବେ । ଏମିତି ପ୍ରକାରେ ଏହି ଆପ୍ ଆକାଉଣ୍ଟରୁ ଟଙ୍କା କାଟିନିଏ ।

Avast ଏକ ବିବୃତିରେ କହିଛି- ‘ଯେଉଁ ଲୋକ ପ୍ରତ୍ୟେକ ଆପ୍ ଡାଉନଲୋଡ୍ କରିବା ପୂର୍ବରୁ ତାର ଡିଟେଲ୍ସ ପଢ଼ନ୍ତି ନାହିଁ, ସେହିଭଳି ଲୋକଙ୍କୁ ଏହି ଫ୍ରଡ୍ ଟାର୍ଗେଟ୍ କରେ । ଏହି ସ୍କାମରେ ବିଶେଷ କରି ଯୁବକ ଓ ଛାତ୍ରମାନେ ଫସିଯାଆନ୍ତି । କାରଣ ସେମାନେ ସବସ୍କ୍ରାଇବ କରିନିଅନ୍ତି, କିନ୍ତୁ ଆପକୁ ନେଇ ସମ୍ପୂର୍ଣ୍ଣ ତଥ୍ୟ ପଢ଼ନ୍ତି ନାହିଁ ।’ Avast ଏହି ଆପ୍ ଗୁଡ଼ିକର ଏକ ତାଲିକା ଜାରି କରିଛି । ଏଥିରେ ଏହା ବି କୁହାଯାଉଛି ଏଭଳି ଫ୍ରଡ୍ ଆପକୁ ୧୦ ଲକ୍ଷରୁ ଅଧିକ ଥର ଡାଉନଲୋଡ୍ କରାଯାଇଛି । Avast ଏଭଳି ଆପକୁ ଫୋନରୁ ହଟାଇବା ସହ ସବସ୍କ୍ରିପସନ୍ ବାତିଲ୍ ପାଇଁ ପରାମର୍ଶ ଦେଇଛି ।

Avast ଜାରି କରିଥିବା Fleeceware ଆପ୍ ତାଲିକା

• Skins, Mods, Maps for Minecraft PE
• Skins for Roblox
• Live Wallpapers HD & 3D Background
• MasterCraft for Minecraft
• Master for Minecraft
• Boys and Girls Skins
• Maps Skins and Mods for Minecraft