ଛାତ୍ରୀଙ୍କୁ ଉଦ୍ଧାର କଲେ ସାମ୍ୱାଦିକ: ଅଭିଯୁକ୍ତ ଅଟୋ ଡ୍ରାଇଭରଙ୍କୁ ପୋଲିସରେ ଜିମା ଦେଲେ
1 min read
ଭୁବନେଶ୍ୱର: ପିଜି ଛାତ୍ରୀଙ୍କୁ ଘଞ୍ଚ ଜଙ୍ଗଲରେ ବଳାତ୍କାର ଉଦ୍ୟମ ଅଭିଯୋଗ । ବଳାତ୍କାରୀ ଅଟୋ ଡ୍ରାଇଭର ଠାରୁ ଯୁବତୀଙ୍କୁ ଉଦ୍ଧାର କଲେ ତିନି ଜଣ ସାମ୍ବାଦିକ । ଏହାସହ ଅଭିଯୁକ୍ତ ଅଟୋ ଡ୍ରାଇଭରକୁ ପୋଲିସ୍ ଜିମା ଦେଇଛନ୍ତି । ଭୁବନେଶ୍ୱର ବାରଙ୍ଗ ଅଞ୍ଚଳରେ ଘଟିଛି ଏପରି ଘଟଣା । କେନ୍ଦ୍ରାପଡ଼ା ତାରପୁର ଅଞ୍ଚଳର ଜଣେ ପିଜି ଛାତ୍ରୀ ଅର୍ଥନୀତି ପରୀକ୍ଷା ପାଇଁ ବସ ରେ ଆସିଥିଲେ । ତେବେ ତାଙ୍କର ବାନ୍ତି ହେବାରୁ ସେ କଟକର ଏକ ଅଟୋ ଯୋଗେ ଭୁବନେଶ୍ୱର IGNOU କୁ ଆସିଥିଲେ । ତେବେ ଡ୍ରାଇଭର ଚାଲାକୀ କରି ମୁଣ୍ଡଳୀର ଏକ ଘଞ୍ଚ ଜଙ୍ଗଲକୁ ନେଇ ବଳାତ୍କାର ଉଦ୍ୟମ କରିଥିଲା । ଛାତ୍ରୀ ଜଣଙ୍କ ଚିତ୍କାର କରିବାରୁ ସେଇ ବାଟରେ ଯାଉଥିବା ୩ଜଣ ସାମ୍ବାଦିକ ତାଙ୍କୁ ଉଧାର କରିବା ସହ ଅଟୋ ଡ୍ରାଇଭରକୁ କାବୁ କରି ବାରଙ୍ଗ ପୋଲିସ ଜିମା ଦେଇଛନ୍ତି । ଛାତ୍ରୀଙ୍କ ପକ୍ଷରୁ ଏତଲା ପରେ ପୋଲିସ ଅଟୋ ଡ୍ରାଇଭରକୁ ଅଟକ ରଖି ପଚରାଉଚରା କରୁଛି ।
ମନ୍ଦିର ଜମି ପାଇଁ ପେଟ୍ରୋଲ ଢାଳି ପୂଜାରୀଙ୍କୁ ଜିଅନ୍ତା ଜାଳିଦେଲେ, ଜଣେ ଗିରଫ
