ଅଷ୍ଟ୍ରେଲିଆର ଏହି ସହର ଦେଉଛି ମାଗଣା ଜମି ଓ ୯ ଲକ୍ଷ ଟଙ୍କା
ସିଡନୀ: ଅଷ୍ଟ୍ରେଲିଆର ଗ୍ରାମୀଣ ଅଞ୍ଚଳ କ୍ଳିପି । ଯେଉଁଠାରେ ଜନସଂଖ୍ୟା ପାଖାପାଖି ୬୦୦ ରହିଛି ଏବଂ ସେଠାରେ ଜନସଂଖ୍ୟାରେ ବୃଦ୍ଧି ହେଉନାହିଁ । ଏଣୁ ଏଠାକାର ଜନସଂଖ୍ୟାରେ ବୃଦ୍ଧି ନେଇ ସ୍ଥାନୀୟ ମେୟର ଜଷ୍ଟିନ୍ ହେକାଂକ ଏକ ଅଫର ଘୋଷଣା କରିଛନ୍ତି । ଏହି ଘୋଷଣା ଅନୁଯାୟୀ ସେଠାରେ ବସବାସ କରୁଥିବା ଲୋକଙ୍କୁ ମାଗଣାରେ ଜମି ଯୋଗାଇ ଦିଆଯିବ । ଏଥିସହିତ ୧୨ହଜାର ୫୦୦ ଡଲାର ଅର୍ଥାତ ୯ଲକ୍ଷ ଟଙ୍କା ମଧ୍ୟ ଦିଆଯିବ । ଯାହା ଦ୍ୱାରେ ଲୋକେ ଘର ନିର୍ମାଣ କରିପାରିବେ ।
ତେବେ ବିଶେଷ କଥା ଏହା ଯେ, ଅଷ୍ଟ୍ରେଲିଆ ମେୟରଙ୍କ ଏହି ଘୋଷଣା ହଂକଂ ଏବଂ ଭାରତୀୟଙ୍କୁ ପସନ୍ଦ ଆସିଛି । ସ୍ଥାନୀୟ ମେୟରଙ୍କ କହିବାନୁଯାୟୀ, ଏହି ଦୁଇ ଦେଶର ପାଖାପାଖି ୧୫୦ ଜଣ ଲୋକେ ଏଠାରେ ବସବାସ କରିବାକୁ ଆଗ୍ରହ ପ୍ରକାଶ କରିଛନ୍ତି । ଏଭଳି କିଛି ହଂକଂ ଲୋକେ ଏଠାରେ ବସବାସ କରିବାକୁ ଆସଗଲେଣି । କ୍ଳିପିରେ ପହଞ୍ଚିଥିବା ଟମ୍ ହେନିସୀଙ୍କ କହିବା ହେଲା ଯେ, ହଂକଂରେ ୩୫୦ ସ୍କୋରଫୁଟରେ ନିର୍ମିତ ଘରର ଦାମ ପାଖାପାଖି ୧୩ କୋଟି ।ଯାହାକୁ କିଣିବା ସମସ୍ତଙ୍କ ପାଇଁ ସମ୍ଭବ ନୁହେଁ । ଏହାରି ମଧ୍ୟରେ ଅଷ୍ଟ୍ରେଲିଆରେ ବସବାସ କରିବା ଏକ ମଉକା ।
