ପୁଅ ପାଇଁ ମୁଁ ହଜାର ଥର ବଳିଦାନ ଦେଇପାରିବି: ଅତୁଲ

ବେଙ୍ଗାଲୁରୁ: ବେଙ୍ଗାଲୁରୁ AI ଇଞ୍ଜିନିୟର ଅତୁଲ ସୁଭାଷଙ୍କ ଆତ୍ମହତ୍ୟା ମାମଲା। ଗୋଟିଏ ପରେ ଗୋଟିଏ ତଥ୍ୟ ସାମ୍ନାକୁ ଆସିବାରେ ଲାଗିଛି । ତାଙ୍କ ପତ୍ନୀ ଏବଂ ଶାଶ୍ୱୁଘର ନିର୍ଯ୍ୟାତନା ଦେଉଥିବା ଏବଂ ନ୍ୟାୟ ବ୍ୟବସ୍ଥାରେ ତ୍ରୁଟି ଅଭିଯୋଗ କରି ୨୩ ପୃଷ୍ଠାର ସୁଇସାଇଡ୍ ନୋଟ୍ ଲେଖି ଅତୁଲ ଆତ୍ମହତ୍ୟା କରିଥିଲେ। ଏହି ସୁଇସାଇଡ୍ ନୋଟ୍ ର ଗୋଟେ ପୃଷ୍ଠାରେ ସେ ତାଙ୍କ ପୁଅଙ୍କ ବିଷୟରେ ଲେଖିଛନ୍ତି ।

ଅତୁଲ ଲେଖିଛନ୍ତି, ପୁଅ ତୋ ପାଇଁ ମୁଁ ମୋ ନିଜର ହଜାର ଥର ବଳିଦାନ ଦେଇପାରିବି। ଯେବେ ମୁଁ ତୁମକୁ ପ୍ରଥମ ଥର ଦେଖିଥିଲି, ସେତେବେଳେ ଭାବିଥିଲି ମୁଁ ମୋ ପୁଅ ପାଇଁ ଯେକୌଣସି ଦିନ ବି ଜୀବନ ଦେଇପାରିବି। ବର୍ତ୍ତମାନ ତୁମ ଚେହେରା ବି ମୋର ମନେନାହିଁ । ତୁମକୁ ଦେଖିବା ପାଇଁ ଯନ୍ତ୍ରଣା ପାଉଛି। ଏଥିରେ ତୁମକୁ ଦୁଃଖ ହେବ କିନ୍ତୁ ସତ କଥା ହେଉଛି ମୋତେ ଏମିତି ଲାଗୁଛି ତମେ ମୋ ଦ୍ୱାରା ହୋଇଥିବା ଏକ ଭୁଲ। କିନ୍ତୁ ତୁମକୁ ମୋସହ କେହି ରଖେଇ ଦେବେ ନାହିଁ।

ଅତୁଲ ସୁଭାଷ ତାଙ୍କ ପୁଅକୁ ଲେଖିଛନ୍ତି, “ଯେପର୍ଯ୍ୟନ୍ତ ମୁଁ ଜୀବିତ ଅଛି ଏବଂ ଟଙ୍କା ରୋଜଗାର କରୁଛି,  ତୁମ ମାଆ, ଆଈ ଏବଂ ମାମୁଁ ମୋତେ ହଇରାଣ କରିବେ। ମୋ ଠାରୁ ଆହୁରି ଅଧିକ ଟଙ୍କା ନେବେ ପାଇଁ ସେମାନେ ମୋତେ ହଇରାଣ କରିବେ।

ଆତ୍ମହତ୍ୟା ନୋଟରେ ଅତୁଲ ଆହୁରି ଲେଖିଛନ୍ତି, “ମୁଁ ମୋ ବାପାଙ୍କ ପାଇଁ ତୁମ ଭଳି ୧୦୦ ପୁଅକୁ ବଳିଦାନ ଦେଇପାରେ । ଏବଂ ତୁମ ପାଇଁ  ମୁଁ ମୋ ନିଜକୁ ଏକ ହଜାର ଥର ବଳିଦାନ ଦେଇପାରେ । କିନ୍ତୁ ମୁଁ ମୋ ବାପାଙ୍କର ନିର୍ଯାତନାର କାରଣ ହେବାକୁ ଚାହୁଁନାହିଁ । ମୁଁ ଜାଣି ନାହିଁ ଆଗକୁ ଯାଇକି ତମେ ବାପାର ମୂଲ୍ୟ ବୁଝିପାରିବ କି ନାହିଁ । କିନ୍ତୁ ବାପର ମୂଲ୍ୟ ମୁଁ ବୁଝିଛି । ବାପା ହେବା ସୌଭାଗ୍ୟର କଥା । ମୋ ବାପା ମୋ ପାଇଁ ଗର୍ବ । ବାପା ପୁଅଙ୍କ ସମ୍ପର୍କ ସବୁଠୁ ନିଆରା ହୋଇଥାଏ । କାସ୍ ତମେ ମୋ ସହିତ ଥାନ୍ତ ବୋଲି ଅତୁଲ ତାଙ୍କ ସୁଇସାଇଡ୍ ନୋଟରେ ପୁଅ ପାଇଁ ଲେଖିଛନ୍ତି।