ପାକିସ୍ତାନରେ ପୁଣି ଆକ୍ରମଣ, ଟର୍ବାଟ ନାଭାଲ ଏୟାରବେସ ଉପରେ ହୋଇଛି ଆକ୍ରମଣ

ଇସଲାମାବାଦ: ପାକିସ୍ତାନରେ ପୁଣି ଆକ୍ରମଣ ହୋଇଛି । ବଲୁଚିସ୍ତାନରେ ଥିବା ପାକିସ୍ତାନର ଦ୍ବିତୀୟ ବୃହତ୍ତମ ଟର୍ବାଟ ନାଭାଲ ଏୟାରବେସ ଉପରେ ଆକ୍ରମଣ ହୋଇଛି । ଗଣମାଧ୍ୟମ ରିପୋର୍ଟ ଅନୁସାରେ, ସଶସ୍ତ୍ର ଆକ୍ରମଣକାରମାନେ ଏୟାର ଷ୍ଟେସନ ଭିତରକୁ ପଶିବାକୁ ଚେଷ୍ଟା କରିଥିଲେ । ଏହି ସମୟରେ ସୁରକ୍ଷାକର୍ମୀଙ୍କ ସହ ତାଙ୍କର ଗୁଳି ବିନିମୟ ହୋଇଥିଲା ।ଏଥିରେ ଆକ୍ରମଣକାରୀ ପ୍ରାଣ କହରାଇଛନ୍ତି । ଆକ୍ରମଣକାରୀ ନିହତ ହେଲା ପରେ ସୁରକ୍ଷାବାହିନୀ ପୂରା ଅଞ୍ଚଳକୁ ଘେରି ରହି ସର୍ଚ୍ଚ ଅପରେସନ କରିଥିଲେ । ସେନା ବେଶରେ ଚାଇନାର ଡ୍ରୋନ ମଧ୍ୟ ବ୍ୟବହାର ହୋଇଥିଲା । ବଲୁଚିସ୍ତାନ ଲିବରେସନ ଆର୍ମି ଏହି ଆକ୍ରମଣ ପାଇଁ ନିଜକୁ ଦାୟୀ କରିଛି । ସେ କହିଛି ଯେ, ତାଙ୍କର ସଶସ୍ତ୍ର ବାହିନୀ ଏୟାର ଷ୍ଟେସନ ଉପରେ ଚକର ଲଗାଇବା ବେଳେ ଆକ୍ରମଣ କରିଛନ୍ତି ।

ଆକ୍ରମଣ ପରେ ତୁର୍ବାଟର ଜିଲ୍ଲା ସ୍ବାସ୍ଥ୍ୟ ଅଧିକାରୀ ଡାକ୍ତରଖାନାରେ ଜରୁରୀକାଳୀନ ପରିସ୍ଥିତି ଲଗାଇଛନ୍ତି । ସମସ୍ତ ଡାକ୍ତରଙ୍କୁ ତୁରନ୍ତ ଡ୍ୟୁଟିରେ ଯୋଗ ଦେବାକୁ କୁହାଯାଇଛି । ଏହି ସପ୍ତାହରେ ଏହା ଦ୍ବିତୀୟ ଆକ୍ରମଣ । ଏବଂ ବିଏଲଏସ ମଜିଦ ବ୍ରିଗେଡ ଦ୍ବାରା କରାଯାଇଥିବା ଏହା ହେଉଛି ତୃତୀୟ ଆକ୍ରମଣ ।