ଏଟିଏମ ଭାଙ୍ଗି ଲୁଟ୍ ଉଦ୍ୟମ କରୁଥିବା ବେଳେ ହେଡ୍ କ୍ୱାଟର ବମ୍ବେରୁ ଆସିଲା ଖବର

ବାଲେଶ୍ୱର: ସୋର ଅନ୍ତପୁରରେ ଏଟଏମ ଲୁଟ୍  । ଦୁଇଟି ଏଟିଏମ ତାଡି ଲୁଟି ନେଲେ ଦୁର୍ବୁର୍ତ୍ତ । ହିଟାଚି ଓ ବାଗୁଡିରେ ଥିବା ଆକ୍ସିସ ବ୍ୟାଙ୍କର ଏଟିଏମକୁ ତାଡି ଲୁଟି ନେବାସହ ପାଖରେ ଥିବା ଆଉ ଏକ ଏଟିଏମରୁ ମଧ୍ୟ ଲୁଟିଥିବା ଅଭିଯୋଗ ହୋଇଛି । ତେବେ ପ୍ରଥମେ ବିଲମ୍ବିତ ରାତିରେ ବାଗୁଡି ଅଞ୍ଚଳରେ ଥିବା ଏକ୍ସିସ୍ ବ୍ୟାଙ୍କ ଏଟିଏମରୁ କିଛି ଅଂଶ ଭାଙ୍ଗି ଲୁଟ୍ ଉଦ୍ୟମ କରୁଥିବା ବେଳେ ହେଡ୍ କ୍ୱାଟର ବମ୍ବେରୁ ସଙ୍ଗେ ସଙ୍ଗେ ସୋର ଥାନାକୁ ଖବର ଆସିଥିଲା  ।

ତେବେ ଖବର ପାଇ ସୋର ଥାନାର ଏ.ଏସ୍.ଆଇ ପ୍ରଦୀପ ମହାନ୍ତି, ଏ.ଏସ.ଆଇ ପ୍ରତାପ କାର୍ଲୋ ଘଟଣାସ୍ଥଳରେ ପହଞ୍ଚିବାରୁ ଦୁର୍ବୃତ୍ତମାନେ ଚମ୍ପଟ ମାରିଥିଲେ । ସେହିଭଳି ପାଖ ଛକ ନିକଟରେ ଥିବା ହିଟାଚି ଏଟିଏମକୁ ମଧ୍ୟ ଦୁର୍ବୁତ୍ତ ମାନେ ଗ୍ୟାସ୍ କଟରରେ କାଟି ଟଙ୍କା ଲୁଟି ନେଇଛନ୍ତି । ଘଟଣାସ୍ଥଳରେ ସୋର ପୋଲିସ୍ ପହଞ୍ଚି ତଦନ୍ତ କରୁଥିବା ଜଣାପଡିଛି ।